कोरियामा हुने चासोक तङ्नाम मनाउन भ्वाईस अफ नेपालकी प्रतिस्पर्धी सविना याेङहाङ लिम्बू र चर्चित गायक बुद्धराज लिम्बू कोरिया आउने
किराँत याक्थुङ चुम्लुङले चासोक तङ्नाम अर्थात उधौली मनाउने भएको छ । डिसेम्बर ११ आइतबार हुने कार्यक्रममा नेपालबाट भ्वाईस अफ नेपालकी प्रतिस्पर्धी सविना याेङहाङ लिम्बू र चर्चित गायक बुद्धराज लिम्बू आउने भएका छन् ।
हामी हाम्रो पहिचान र अस्तित्वको लागि एक हौं भन्ने मूल नारा सहित हुने कार्यक्रममा लिम्बू साँस्कृतिक झाँकी र कोरियामा रहेका कलाकारका साथमा साँस्कृतिक कार्यक्रम हुनेछ । नेपालको राष्ट्रिय चाड र लिम्बू समुदायको महान पर्व चासोक तङ्नाममा कोरियामा रहेका सबै नेपालीलाई सहभागि भै दिन आयोजक संस्था याक्थुङ चुम्लुङले आग्रह गरेको छ ।
दिउँसो १२ बजेबाट हुने कार्यक्रमको सोलको साङबोक खुछङमा हुनेछ । सोल मेट्रोलाईन नं. ४ को सङ्सिनयादे स्टेशनको ३ नम्बर गेटबाट निस्केर १४२ वा १५२ नम्बरको बस चढेर सङ्बोक खुछङमा पुग्न सकिनेछ ।
