छङ्ऊप नेपाली एकता समाजको नयाँ कार्यसमिति गठन, यही अप्रिल १७ मा फुटबल प्रतियोगिता गर्ने
कोरियाको दक्षिणी भेग छल्लाफोक्दो क्षेत्र अन्तर्गत पर्ने छङ्ऊप, थेईन, जुल्फो, गोछन, खाम्गुक र सिन्थेइन लगायतका ठाउँमा रहेका नेपालीहरुलाई समेट्दै सन् २०२० मा स्थापना भएको “छङ्ऊप नेपाली एकता समाज” ले नयाँबर्ष २०७९ को उपलक्ष्यमा विविध कार्यक्रम आयोजना गर्ने भएको छ । यही अप्रिल १७ मा नयाँवर्ष २०७९ को शुभकामना आदानप्रदान, चियापान कार्यक्रम र Jeongeup Nepalese Football Club (JNFC) सँग सहकार्य गरी 9A साईड फुटबल प्रतियोगिता गर्ने भएको हो ।
संस्थापक अध्यक्ष रुबिन रेग्मी र्यापर रहेको संस्थाले आफ्नो विधान अनुसार दुई वर्षमा अधिवेशन गरी राम थापा मगर अध्यक्ष रहने गरी नयाँ कार्यसमिति गठन गरेको छ । वर्तमान कार्यसमितिको संरचना अन्तर्गत अध्यक्षमा राम थापा मगर, उपाध्यक्ष निरज लामा कार्की, उपाध्यक्ष टासी घले, सचिव दधिराम भट्टराई, सहसचिव कृष्ण क्षेत्री, कोषाध्यक्ष कमल खपाङ्गी मगर र सदस्यहरुमा सुर्य बि.क., तेजमान खरु मगर, सिजनजंग शाही, ज्योति तामाङ, हिमाल कार्की, दिनेश पोख्रेल, बालकृष्ण पौडेल, दिपक यसमाली मगर, सुनिल थापा र ज्योती मगर रहेका छन् । नवगठित कार्यसमितिले पाँच सदस्यीय सल्लाहकार समिति समेत गठन गरेको छ जसमा निरज सारु मगर, मिलन श्रेष्ठ, विजय राई, राजन थापा मगर र अनुप लामा रहेका छन् ।
कोरियामा रहेका नेपालीहरुलाई पर्ने हरेक समस्या र दुःखको बेला बन्धुत्व र मानवीय संवेदनालाई मध्यनजर गर्दै विशुद्ध सामाजिक सेवाको उद्धेश्य बोकेको यस छङ्ऊप नेपाली एकता समाजले कोरियास्थित सबै संघसंस्था र संगठनहरुसँग समन्वय र सहकार्यको अपेक्षा गरेको छ । संस्थाले आयोजना गरेको नयाँ वर्ष २०७९ को शुभकामना आदानप्रदान, चियापान कार्यक्रम फुटबल प्रतियोगितामा कोरियामा रहनुहुने खेलप्रेमी नेपाली दाजुभाई, दिदिबहिनीहरुमा खेलमैदानमा उपस्थित भई खेलको शोभा बढाईदिनुहुन साथै मनोरञ्जन लिनुहुन हार्दिक अनुरोध गरेको छ ।
