कोरियामा स्याङ्जालीहरुको अनलाईन डाटा संकलन शुरु ।
बोम्जन गुरुङ
०५ मे २०२१, सउल कोरिया ।
स्याङ्जा जिल्ला स्थायी घर भई विभिन्न पेशा, व्यवसाय, शैक्षिक र रोजगारीको सिलसिलामा कोरियामा रहेका स्याङ्जालीहरुको गुगल मार्फत अनलाईन डाटा सङ्कलन शुरु गरिएको छ । नेपाली राजदुतावास वा अन्य कुनै निकायबाट यथेष्ट जानकारी नपाईएको कारणले पनि स्याङ्जा परिवार दक्षिण कोरियाले यो अभियान शुरु गरेको हो ।
झण्डै साढे दुई दशक पुरानो यस संस्थाको वर्तमान केन्द्रीय अध्यक्ष विजय थापाले यो तथ्याङ्क संकलन आधारमा र सदस्यता ग्रहण गर्ने व्यक्तिहरुलाई दुःख, आपतविपत र बिरामी परेको बेला विशेष प्राथमिकतामा राखेर सहयोग गरिने स्पष्ट पारे । यस प्रकारको डाटा संकलनले संस्थाको हरेक गतिविधि, महत्वपूर्ण कार्यक्रम र नीति एवं योजनाहरु तर्जुमा गर्न सहज हुने तर्क केन्द्रीय सचिव माधव अर्यालले अघि सारे । यसरी गुगल मार्फत भरिएको सदस्यता विवरण पूर्ण सुरक्षित र गोप्य रहने सहकोषाध्यक्ष कमल रेग्मी “धनु” ले जानकारी दिए ।
साधारण सदस्यता शुल्क १०,०००/- कोरियन वोन, खाता नम्बर ३५१-२११३-३४२३-५३ (농협 은행 कोड ०११), खातावाहकको नाम Regmi Dhan Prasad र विविध जानकारीका लागि सम्पर्क नम्बरहरु ०१०३७८५५४५०, ०१०४६९८४१३५, ०१०६२६०५१९७, ०१०५९४०२८९७ राखिएको छ ।
तल उल्लेखित लिङ्कमा क्लिक गरेर आफ्नो सम्पूर्ण आवश्यक विवरणहरु भरेर यो अभियानलाई सहयोग गर्नुहुन समस्त कोरियामा रहनुहुने स्याङ्जालीहरुलाई स्याङ्जा परिवार दक्षिण कोरियाले हार्दिक अनुरोध गरेको छ ।
