रामेछाप सम्पर्क समितिको तेस्रो अधिवेशन सम्पन्न, अध्यक्षमा नविन श्रेष्ठ
रामेछाप सम्पर्क समिति दक्षिण कोरियाको तेस्रो अधिवेशन सम्पन्न भएको छ । आज (जनवरी ३) भर्जुअल माध्यम जूम मार्फत भएको उक्त अधिवेशनबाट अध्यक्षमा नवीन श्रेष्ठ निर्वाचित भएको हो ।
अधिवेशनको औपचारिक कार्यक्रमको सभापतित्व निवर्तमान अध्यक्ष रवि प्रताप घिसिङले गरेका थिए भने प्रमुख अतिथिमा नेपाली सम्पर्क समिति(एनसिसि)का उपाध्यक्ष श्री श्रेष्ठ रहेका थिए । त्यस्तै बिशेष अतिथिमा एनआरएन कोरियाका अध्यक्ष यदु लामिछाने र बागमती प्रदेश एकता समाज कोरियाका अध्यक्ष किशोर ब्लोन नियोग रहेका थिए । साथै बागमती प्रदेश भित्रका जिल्ला समन्वय समिति कोरियाका अध्यक्षहरु अतिथिको रुपमा सहभागी भएका थिए ।
उपस्थित प्रमुख अतिथि, विशेष अतिथि तथा अतिथिहरुले आहिलेको निवर्तमान अध्यक्ष र कार्यसमितिले गरेका कामहरुको खुलेर प्रशंसा गरेको थियो । साथै नयाँ कार्यसमितिलाई सफल कार्यकालको लागि शुभ समेत ब्यक्त गरेका थिए ।
अधिबेशनको दोस्रो सत्र अर्थात बन्द सत्रबाट नवीन श्रेष्ठको नेतृत्वमा नयाँ कार्यसमिति चयन गरिएको हो । नयाँ कार्यसमितिमा वरिष्ठ उपाध्यक्षमा नरेस मोक्तान, उपाध्यक्षमा सुमन कार्की, महासचिवमा बाबुराज बस्नेत तथा सचिबमा अभियान खडका
सचीव र सुरेस श्रेष्ठ, कोषाध्यक्षमा सरिता कार्की निर्वाचित भएका छन् ।
त्यसैगरी सदस्यहरुमा जीवन मानन्धर, घनश्याम चौलागाईं, रजय लामा, छोनाम लामा, उषा तामाङ र हरि कार्की निर्वाचित भएको हो ।
निर्वाचित पश्चात् अध्यक्ष श्रेष्ठले आफ्नो कार्यकालमा पनि पहिलेका कार्यसमिति र अग्रजहरुले जस्तै संस्थालाई सशक्त रुपमा अगाडि बढाउने प्रतिबद्धता जनाएका थिए ।
