दक्षिण काेरियामा राष्ट्रगान गानका रचनाकार व्याकुल माइला सम्मानित
दक्षिण कोरियामा राष्ट्रगानका सर्जक व्याकुल माइलालाई साहित्य शिखर व्यक्तित्व सम्मानबाट सम्मानित गरिएको छ । शनिबार सउलमा भएकाे कार्यक्रममा कोरियाका क्रियाशील साहित्यिक संस्थाहरु नेपाल मुक्तक प्रतिष्ठान, अन्तराष्ट्रिय नेपाली साहित्य समाज र इतर आवाज साहित्य समाजले सयुंक्त रुपमा उक्त सम्मान प्रदान गरेका हुन । ओखलढुङ्गा समाज दक्षिण काेरियाकाे निमन्त्रणामा उनी यहाँ अाएका हुन् ।
कार्यक्रममा बोल्दै माइलाले कोरियामा कार्य व्यस्तताको बाबजुद पनि स्रष्टाहरु सिर्जना, साहित्य साधनामा जुटेको र आफुले उत्कृष्ट रचना सुन्न पाएकोमा खुशी व्यक्त गरे । कोरियामा रहेका सर्जक र सिर्जनालाई मुलधारले समेट्न सक्नुपर्ने पनि उनकाे धारणा थियाे ।
कार्यक्रमका संयोजक तथा साहित्यकार मिलनकान्छा किरातीले गोरख बहादुर कविता सुनाउदै कार्यक्रमका बारेमा जानकारी गराएका थिए । इतर आवाज साहित्य समाजका अध्यक्ष तथा कवि पराजित पोमुकाे सभापतित्वमा भएकाे कार्यक्रममा स्वागत मन्तव्य नेपाल मुक्तक प्रतिष्ठानका अध्यक्ष तथा मुक्तककार रामचन्द्र शर्मा र कार्यक्रम सञ्चालन अन्तराष्ट्रिय नेपाली साहित्य समाजका महासचिव तथा कवि सरोज सर्वहाराले गरेका थिए ।
