विश्वकर्मा समाज कोरियाको प्रथम अधिवेशन सम्पन्न, अध्यक्षमा भिम बराइली
विश्वकर्मा समाज दक्षिण कोरियाको प्रथम अधिबेशन भब्यताका साथ सपन्न भएको छ । जनवरी ५ आइतबारका दिन सुवन स्थित दुर्गा रेस्टुरेन्टमा भएको उक्त अधिबेशन बाट कार्यसमितिको अध्यक्षमा भिम बराइलीलाई सर्वसम्मत चयन गरेको छ ।
त्यसैगरी बरिस्ठ उपाध्यक्षमा गौरी सदासङकर, महासचिव अमृत बिश्वकर्मा सचीव हरु युवराज बराल र पुजा रसाइली, उपाध्यक्षहरु साजन दियाली, तेज बहादुर बिक र जशु बराइली निर्वाचित भएको छ । साथै कोषाध्यक्षमा अमृत सुनार, सह कोषाध्यक्ष कुलमान बिश्वकर्मा, प्रभक्ता गोबिन्द बिश्वकर्मा र खेलकुद संयोजक मुकेश सेन्चुरी, महिला संयोजक पबित्रा सेन्चुरी तथा सदस्यहरुमा कमल बिश्वकर्मार सुनिल सेन्चुरी रहेको छ ।
बिश्वकर्मा समाज एक जातीय मात्र नभई सामाजिक मनकारी बिश्वकर्माहरुको सामाजिक संस्थाको रुपमा रहेको कुरा कृष्ण ओलि सहयोग अभियान, जलजला परियार बचाउ अभियान जस्ता धेरै कार्यबाट पुष्टि गरिसकेको जानकारी नव निर्वाचित अध्यक्ष बराइलीले दिए । ‘यो पबित्र सस्थाको प्रथम अधिबेशनबाट अध्यक्ष जस्तो गरिमामय पदमा मलाई योग्य ठानी सर्वसम्मत रुपमा बिजय गराउनु हुने सबै सबै प्रती हार्दिक नमन गर्न चाहन्छु । तपाईहरुको भरोसा लाई एक इन्च पनि कम हुन दिने छैन साथै आउदा दिनमा पनि यस्तै सहयोग र सपोर्ट्को अपेक्षा राखेको छु ।’ उनले भने ।
साथै सदियौ देखि पछाडी पारिएको दलित समुदायको मुक्ति र सिङ्गो नेपाली समाज रुपान्तरण र बिकासको लागि यो समाज तनमनका साथ लागि पर्ने प्रतिबद्धता समेत बराइलीले गरेका छन् ।
