GME My Voice नेपालको उपाधि राधिका गोलेलाई
जिएमइ रेमिट्यान्सद्वारा आयोजित “GME My Voice Nepal-2019 South Korea” गायन प्रतियोगिताको प्रथम उपाधि राधिका गोले तामाङले जितेकी छिन् । सउलमा आइतवार सम्पन्न भएको उक्त प्रतियोगितामा द्वितीय उपाधि सूर्य रूम्बा र तृतीय दिपेन्द्र ताम्राकारले हात पार्न सफल भएका छन् ।
बिजेताहरू क्रमश ५ लाख, २ लाख र १ लाख वोन् नगदराशी र ट्रफीले सम्मानित भएका हुन ।
जिएमइ रेमिट्यान्सले सबैभन्दा पहिलो चरणमा भिडियो अडिसन लिएको थियो । त्यसै भिडियोको आधारमा २२ जना प्रतिस्पार्धीहरू छनोट भएका थिए ।
प्रतियोगितामा गाउने गीतको गायकको पक्षबाट लाईक, कमेन्ट र सेयरको आधारमा टप १२ को नामावली सर्वाजनिक गरिएकोमा ३ जना वाइल्ड कार्डमार्फत प्रवेश गराइ १५ जनामा फाईनल प्रतिस्पर्धा गराईएको थियो ।
प्रतिस्पार्धीहरूमध्येबाट अनलाइन पोल भोटिङमार्फत २० प्रतिशत, प्रत्यक्ष दर्शक १० प्रतिशत भोटिङ, निर्णायक मण्डलको ७० प्रतिशत भोटगरि सबैभन्दाबढी अंक पाउने क्रमशः बिजयी भएका थिए । प्रतियोगिताको निर्णायक मण्डलमा मानकाजी शाक्य, रोशन भट्टाराइ, सिपी मगर र मिलन थापा रहेका थिए ।
गीत-संगीतको क्षेत्रमा लागि परेका र रूचि राख्नेहरूका लागि यो राम्रो अवसर बन्न सकिने प्रतियोगितामा सहभागीहरुले जनाएका थिए । साथै प्रतियोगितामा विभिन्न माध्याममार्फत सहयोग गर्नेहरूलाई आयोजकले धन्यवाद ज्ञापन गरेको छ । साथै आगामी दिनमा पनि यस्तो कार्यक्रमलाई निरन्तरता दिने जनाएको छ ।
