“नेपाल विकासमा प्रवासी नेपालीको साझेदारिता” विषयक अन्र्तक्रिया हुने
ऐश्वर्य श्रेष्ठ,सोल –
“नेपाल विकासमा प्रवासी नेपालीको साझेदारिता” विषयक अन्र्तक्रिया तथा कार्यशाला गोष्ठीको आयोजना हुने भएको छ ।यही जुलाई १२ तारिखको दिन नेशनल एसेम्बली हल सोलमा सो कार्यशालाको आयोजना हुने सोन्सिकका अध्यक्ष बिमल सुवेदीले बताए ।सोन्सिकले पहलमा आयोजना हुन लागेको सो अन्र्तक्रिया कार्यक्रम जुलाई १२ आईतबारका दिन बिहान १० बजेबाट शुरु हुनेछ ।
विधार्थी तथा श्रमिक प्रतिनिधिबाट अतिरिक्त प्रस्तुत हुनका साथैं कोरियामा रहेका नेपाली समुदायबीच बृहत अन्र्तक्रिया समेत हुनेछ ।
विभिन्न प्राज्ञ तथा प्रोफेसरहरुको सहभागिता रहने सो कार्यशालामा प्रो डा ठाकुर सुवेदी ख्वांजु युनिभर्सिटी,प्रो. डा. मधुसुदन आत्रेय,खिमयोंग युनिभर्सिटी,डा. देवी बहादुर बस्नेत सिनियर रिर्सचर मेडीटक्स ईन्क,डा. ह्रिदयेस प्रताप मल्ल न्युरो सर्जन ख्यंगी युनिभर्सिटी मेडिकल सेन्टर,प्रो. डा. शिसिर मानन्धर सोल नेशनल युनिभर्सिटी प्रमुख वक्ता रहेको कार्यक्रममा नेपाली दुतावासका उपनियोग प्रमुख राजाराम बर्तौला समन्यव तथा सहजकर्ता रहेका छन् ।
‘अब कोरा गफ हैन देश विकासको महान अभियानमा सहभागी बनौ, आलोचक मात्र हैन नयाँ नेपाल निर्माणको साझेदार बनौ’ भन्ने नाराको साथ दक्षिण कोरियामा रहेका नेपाली समुदायमा पहिलो पटक “नेपाल विकासमा प्रवासी नेपालीको साझेदारिता” बिषयक अन्तरक्रिया कार्यक्रम गर्न लागिएको सोन्सिक अध्यक्ष सुवेदीले जानकारी दिए ।
नेपाली दुतावासको सह आयोजना र सहयोगी संस्थाहरुमा एन आई ई डि ,एन आर एन कोरिया ,सर्पोट नेपाल फाउन्डेसन,कोरिया एसिया फ्रन्डसिप फाउन्डेसन रहेका छन् ।
