छुसककाे दाेस्राे दिन कालीप्रसाद, आसिफ र मिस्टर डीकाे साथ रात्री म्युजिकल डान्स पार्टी हुने
छुसकको दोस्रो दिन अर्थात सेप्टेम्बर १३ मा राइजिङ स्टार ग्रुपले रात्री म्युजिकल डान्स पार्टी गर्ने भएको छ । सो कार्यक्रमका लागि चर्चित संगीतकार तथा गायक कालीप्रसाद बास्कोटा, नायक तथा टेलीभिजन प्रस्तोता आसिफ शाह र मिस्टर डी नेपालबाट कोरिया आउने छन् । कालीप्रसाद नेपाल आइडियलका जर्ज हुन भने आसिफ कार्यक्रम प्रस्तोता पनि हुन् ।
‘हामी बिदाको समयलाई एक दम रमाइलो गर्ने गरि यो पस्तुति राख्न लागेका हौ । कोरियामा भएका म्युजिकल डान्सपार्टीहरु मध्ये उत्कृष्ठ हुनेछ ।’ रात्री म्युजिकल डान्स पार्टीका अायाेजक सन्तोष कुमार राईले भने । ‘कालीप्रसाद बास्कोटाले गाएका र संगीत दिएका चर्चित गीत गाउने छन् साथै मिस्टर डिको प्रस्तुति हेर्न पाइनेछ । साथै फुल्लाङ व्यान्डको प्रस्तुति रहनेछ भने डिजे सिम्यान र डिजे क्रियसनले पनि आफ्नो कला देखाउने छन् ।’ उनले थपे ।
२५ हजार वन टिकट रहने कार्यक्रम बेलुकी ९ वजेबाट सुरु हुने आयोजकले जानकारी गराएका छन् । एचडि मोबाइल दोङदेमुनको प्रस्तुति रहकाे कार्यक्रम दोङदेमुन नजिकै पर्ने 동대문구 전농동 622-1, 성 바오로 영안실 옆 시대 코리아 빌딩 지하 1 층 हलमा कार्यक्रम हुनेछ ।