द एक्स ब्याण्डले ''लुक्न देउ मलाई'' भन्दा झुम्मिए कोरियाबासी नेपाली

सोल – जब द एक्स ब्याण्ड स्टेजमा देखा पर्यो | माहोल एकाएक तातियो | युवापुस्ता माझ लोकप्रिय ब्याण्ड द एक्सले गाउन शुरु गरे पछि आयोजकलाई स्थित सम्हाल्न हम्मेहम्मे पर्यो |

द एक्सले आफ्ना हिट नम्बरहरु ‘च्याङबा दाई’ , ‘लुक्न देउ’ , ‘ तिम्रो मुस्कानले ‘ , ‘हाम्रो सिमाना’ , ‘देखे तिमीलाई हिजो राती सपनीमा’ , बाईरोड़को बाटो लगायतका गाईरहदा उपस्थित दर्शकले संगै गाउदै साथ दिएका थिए | भोकलिष्ट शिव मुखियालाई गितारिष्ट सजल राजभण्डारी र ड्रमर सुरेन्द्र श्रेष्ठले साथ दिए |
 
उक्त अवसर नेपाल गोरखा परिवार दक्षिण कोरियाले जुराईदिएको थियो | ”मनास्लु सांगीतिक सौगात भाग-२” नाम दिएको कार्यक्रम सङबुक कुमिन यसङ ह्वेग्वानको हलमा भएको थियो |
 
कोरियाका लागि नेपाली राजदुत् कमानसिंह लामाले पानसमा दियो बालेर उदघाटन गरेका थिए | कार्यक्रममा कोरियामा रहेका बिभिन्न संघ संस्थाका प्रतिनिधिहरु लगायत कोरियामा रहेका नेपाली समुदायको उपस्थिति रहेको थियो |
 

कार्यक्रममा लोक गायक गोकुल पाण्डेले ‘ जिम्बाल बाको आगन’ र सालैजो गाउदै नचाए भने हास्य कलाकार राजा राजारामले पेट मिचिमिची हसाएका थिए | गायिका शिन्धु मल्लले आफ्ना हिट गीतहरु झलझली आखामा र छियाछिया भइसक्यो यो छाती गाएर उपस्थित दर्शकलाई मनोरन्जन दिएकी थिइन् |
 

त्यसै गरि लोक दोहोरी गायक / गायिका दिप सागर थापा मगर र राधिका हमालले लाईभ दोहोरी गाएर संगै गाउदै छमीछमी नचाएका थिए | सोहि अवसर नेपाल मगरसंघ कोरियाका स्थानिय कलाकारले कौडा नृत्य प्रस्तुत गरेका थिए |