एनसीसी सचिब चेतबहादुर बस्नेतद्वारा अधिबेशन बहिस्कार
फोनिज कोरिया संवाददाता
सोल- नेपाली सम्पर्क समिति (एनसीसी) कोरियाको आज हुने १५ आधिबेशन सस्थाकै सचिब चेतबहादुर बस्नेतले बहिस्कार गर्ने भएका छन् | मिति तोकिए यता संस्थाको कुनै बैठक नभई अधिबेशन गर्न लागिएको जनाउदै बस्नेतले बहिस्कार गर्ने भएका हुन् | उनले भने ‘ अधिबेशनको मिति तोकिए यता कुनै बैठक भएको छैन, यस्तो अवस्थामा मैले अधिबेशनको कल्पना गर्नै सक्दिन |’
संस्थाको सचिबले अधिबेशन बहिस्कार गरेको सम्भवत एनसीसीको इतिहासमै यो पहिलो घटना हुनसक्छ | कार्यक्रम संचालन गर्न र संस्थाको प्रगति विवरण प्रस्तुत गर्ने सचिबले नै बहिस्कार गरेपछि एनसीसीको अधिबेशन कसरि हुन्छ ? भनेर नेपाली समुदायले चिन्ता व्यक्त गरेका छन् |
यस अघि आज हुने अधिबेशनको मिति सार्न २ दर्जन बढी संस्थाले अनुरोध गरेका थिए | कोरियाकै पुरानो संस्था एनसीसीलाई ब्यबस्थित गर्न चौतर्फी आवाज उठी रहेका बेला अध्यक्ष लोचन राई एनआरएनको भावी अध्यक्ष हत्याउन अधिबेशन गर्न हतारिएको सार्बजनिक रुपमै आरोप लाग्दै आएको छ |
त्यस्तै सचिब बस्नेत र कोषाध्यक्ष बिष्णु न्यौपानेले संयुक्त विज्ञप्ती जारी गरी अहिलेको समयमा अधिवेशन गर्नुको कुनै अर्थ नरहेको जिकिर गरेका छन् |
प्रेस विज्ञप्ती
नेपाली सम्पर्क समिति दक्षिण कोयस अघि रियामा ईतिहास वोकेको संस्था हो । यसको नया कार्यसमिति चयन भएदेखि यसलाई व्यवस्थित ढंगले संचालन गरेर कोरियामा छाता संगठनको रुपमा विस्तार गर्नुपर्ने हाम्रो धारणा रहेको थियो । तर यसका अध्यक्ष लोचन राई र वरिष्ठ उपाध्यक्ष बलराम पुनको मनोमानीका कारण संस्था कोरियामा अव्यवस्थित हुन पुग्यो । विना तयारी अध्यक्ष र वरिष्ठ उपाध्यक्षको लहडले मात्र अधिवेशन गर्नुको कुनै छैन ।
एन सि सि अधिवेसनको लागि सबैभन्दा पहिले सदस्यता वितरण र नविकरण गर्नुपर्ने त्यसको केही काम भएको छैन । एन सि सिको अधिवेशन गर्ने भनिएपनि एक पटक पनि कार्यसमितिको वैठक बसेको छैन । यसकारण एन सि सि अधिवेशन गर्नु कुनै औचित्य छैन । आफूहरुले संस्थालाई नियम ढंगले थजान पहल गरेपनि उनीहरुले छोडने र पद हत्याउने सोचमा मात्र प्रेरित भएर कुनै तयारी नगरेको कारण यसमा सहमति जनाउन सकिने ठाउ छैन ।
एन सि सि अधिवेशनको लागि न सांगाठानिक प्रतिवेदन माथि छलफल भएको छ न आर्थिक प्रतिवेदन नै बनाइएको छ । अध्यक्ष र उपाध्यक्षले एकलौटी ढंगले अधिवेशन मात्र गर्ने मनलाग्दी सार्ने र मिति तय गर्ने गरेको कारण सिंगो एन सि कार्यसमिति माथि खेलवाड गरेको छ ।
पछिल्लो समयमा कोरियामा रहेका २१ भन्दा बढि संघ संस्थाले अधिवेशन सार्न विज्ञप्ती जारी गर्दा आफूले जानकारी नपाएको भन्ने एन सि सि कुन निर्णय बाट यो अधिवेशन गर्न लागेको हो त ? मर्सको अहिलेको भयावह अवस्था दुतावासको भिडभाडमा नहिडन गरिएको आग्रहलाई समेत यो अधिवेशनले उपहास गरेकोमा लज्जा महसुस गरेका छौं ।
कार्यसमितिको बैठक नबसि कुनै निर्णय नगरी गरिएको अधिवेशनको जिम्मेवारी आफूहरुले लिन नसक्ने पनि प्रस्ट पार्न चाहन्छौं । यो मनलाग्दी व्यवहारको कारण सचिवको तर्फबाट माईन्यूट र कोषाध्यक्षको तर्फबाट लेखा समेत बुझाइसकेको हुदा अहिले हुने भनिएको अधिवेशन विधान विपरित र कार्यसमितिको निर्णय विपरित भएको हुदा यसको औचित्य नभएको प्रस्ट पार्न चाहन्छौं ।
सचिव- चेतवहादुर वस्तेत कोषाध्यक्ष -विष्णु न्यौपाने
