नेपाल आदिवासी चलचित्र महोत्सव (निफ्फ)को तयारी पूरा


नेपाल आदिवासी जनजाति महासंघ अमेरिका (फिप्ना)ले यही सेप्टेम्बर १५ र १६ मा न्युयोर्कमा आयोजना गरेको दोश्रो नेपाल आदिवासी चलचित्र महोत्सव (निफ्फ) सम्पूर्ण तयारी पूरा भएको जनाएको छ । फिप्नाले न्यूयोर्कको ज्याक्सन हाइटमा पत्रकार सम्मेलन गरी महोत्सवको तयारी पूरा भएकोजानकारी दिएको हो ।

आदिवासी चलचित्रकर्मीहरुलाई मुलधारको चलचित्र क्षेत्रमा स्थापित गराउन सहयोग र प्रोत्साहन गर्न तथा आदिवासीहरुको संस्कार र स्ंस्कृतिलाई संरक्षण गर्न सहयोग पुग्ने आयोजकको दावी छ । महोत्सव संयोजक एवं फिप्नाका वरिष्ठ उपाध्यक्ष राजकुमार विष्टले नेपाली आदिवासीजनजातिहरुको भाषा, धर्म, संस्कार, संस्कृति र रीतिरिवाजहरुको संरक्षण, सम्बर्धन र प्रबर्धन गर्ने उद्धेश्यले महोत्सवको आयोजना गर्न लागेको बताए । महोत्सवले नेपाली आदिवासी जनजातिहरुको चलचित्र विकास र बजार प्रबर्धन गराउन मद्धत पुग्ने फिप्नाका अध्यक्ष मान रानामगरको भनाई छ । महोत्सवबाट प्रवासमा नेपाली समुदायका साथै अन्य समुदायले विभिन्न चलचित्रहरु हेरेर लाभान्वित हुने विचार फिप्ना संघिय परिषद्का सभामुख विनोद पोमोले राखेका थिए ।

न्यूयोर्कको क्वीन्समा अवस्थित गुल्सन टेरेशमा सेप्टेम्बर १५ र १६ मा हुने महोत्सवमा आदिवासी जनजातिहरुको भाषा, धर्म, संस्कृति र रीतिरिवाजमा आधारित ९ पूर्ण चलचित्र, ३ लघु चलचित्र सहित २ वृत्तचित्रको प्रदर्शन गरिनेछ । प्रारम्भिक चरणमा नेपालमा चलचित्र छनौटका लागि आदिवासी चलचित्रमहासंघ नेपालका अध्यक्ष अमृत सुनुवारको संयोजकत्वमा ५  सदस्यीय प्रारम्भिक छनौट समिति गठन गरिएको थियो ।

 सुनुवारसहित अनिल बुढा, सृजना सुब्बा, अरुण प्रधान, भुपेन्द्र गुरुङ रहेका समितिले पहिलो चरणमा पूर्ण तथा छोटो चलचित्र र वृत्तचित्र गरी दर्ता भएका ४६ वटा मध्ये २४ वटा छनौट गरेरपठाएको विज्ञप्तीमा उल्लेख छ । त्यसमध्येबाट प्रत्येक जातिय संस्थाहरुले आफ्नो जातिको एउटा पूर्ण चलचित्र छनौट गरी महोत्सवमा पठाएको जानकारी विज्ञप्तीमा छ ।  गुरुङ समुदायबाट ‘भेडीगोठालो’, तामाङ समुदायबाट ‘सेम कि तम’, नेवार समुदायबाट ‘स्वयनगु’, मगर समुदायबाट ‘रैया’, राई समुदायबाट ‘यारी’, शेर्पा समुदायबाट ‘टिन्छेन फमा’, लिम्बु समुदायबाट ‘साम’, मनाङ समुदायबाट ‘मनाङ्गे नानी’, याक्खा समुदायबाट ‘ओम्ला’ महोत्सवमा प्रदर्शनको लागि छनौट गरिएको विज्ञप्तिले जनाएको छ ।

महोत्सवमा प्रदर्शन हुने चलचित्रहरुलाई विभिन्न १२ वटा विधामा निफ्फ अवार्ड २०१८ प्रदान गरिनेछ । उत्कृष्ट पूर्ण चलचित्र, उत्कृष्ट लघु चलचित्र, उत्कृष्ट वृत्तचित्र, उत्कृष्ट अभिनेता, उत्कृष्ट अभिनेत्री, उत्कृष्ट कथा, उत्कृष्ट भेषभुषा, उत्कृष्ट निर्देशक, उत्कृष्ट छायांकन, उत्कृष्ट अभिनय कला, उत्कृष्ट संगीत लगायत दर्शकको छनौटको उत्कृष्ट चलचित्रले अवार्ड प्राप्त गर्नेछन् । यसका साथै उत्कृष्ट चलचित्र तथा वृत्तचित्रलाई नगद पुरस्कारको पनि व्यवस्था गरिएको छ ।

विज्ञप्तीमा उल्लेख भए अनुसार उत्कृष्ट एक पूर्ण चलचित्रलाई १ लाख २५ हजार रुपैयाँ र निफ्फ अवार्ड २०१८, उत्कृष्ट एक लघु चलचित्रलाई ३१ हजार रुपैयाँ र अवार्ड दिइनेछ । त्यस्तै उत्कृष्ट एक वृत्तचित्रले पनि ३१ हजार रुपैयाँ र अवार्ड प्राप्त गर्नेछ । निफ्फ अवार्ड २०१८लाई  निष्पक्ष र विवादरहित बनाउनको लागि चलचित्र क्षेत्र,  सञ्चार क्षेत्र, अधिकारकर्मी तथा  कला र संस्कृति क्षेत्रमा आवद्ध विभिन्नव्यक्तिहरु सम्मिलित निर्णायक समिति (जुरी) बनाइएको छ । समितिमा सञ्चारकर्मी शैलेश श्रेष्ठको संयोजकत्वमा शम्भु मोक्तान, रोज लामा, लिला राई, छिरिङ रिञ्जिन गुरुङ रहेका छन् । त्यसै गरी लघु चलचित्र र वृत्तचित्र छनौटको लागि फिप्ना संघिय परिषद्का सभामुख विनोद पोमोको संयोजकत्वमा मच्छे देवी गुरुङ र ङिमा पाख्रिन सम्मिलित ३ सदस्यीय निर्णायक समिति गठन भएको छ ।

फिप्नाका महासचिव प्रेम गुरुङका अनुसार महोत्सवमा विभिन्न जातिय साँस्कृतिक कार्यक्रम तथा कला र संस्कृति झल्कने मनोरन्जनात्मक प्रस्तुतिहरु समेत देखाईने छन् । दर्शकहरुको मतको आधारमा उत्कृष्ट प्रस्तुति गर्ने समूहले ५ सय डलरको नगद पुरस्कार समेत प्राप्त गर्नेछ । ‘आदिवासी संस्कृतिककार्यक्रम’ व्यवस्थापनको लागि राप्के लामा संयोजक रहेको सांस्कृतिक समितीमा सदस्यद्वय केशव राम राई र गोमा योञ्जन रहेका छन् ।

आफ्नो प्रतिक्रिया दिनुहोस |
सम्बन्धित शिर्षकहरु
  • सउल नेपाल गुम्बाद्वारा मार्च १ मा बृहत ल्होसार ल्हाब्सोल कार्यक्रम गर्ने, तयारी अन्तिम चरणमा
  • काेरियाका लागि नेपाली दुताबासले काेरियाली अध्यागमन प्रकिया सम्बन्धि अन्तरक्रिया कार्यक्रम गर्ने
  • विनोद बुढाथोकीको अध्यक्षतामा डाइनामिक मोरङ कमिटिको नयाँ कार्यसमिति
  • खोटाङ सेवा समाज दक्षिण कोरियाद्वारा दोङ्देमुनमा सेल्टर सञ्चालन
  • ईपिएस

    सोचेजस्तो छैन कोरिया : ‘एक दिन काम नगरे दुई दिनको तलब काटिन्छ’

    मरिन गाउँपालिका सिन्धुलीका अर्जुन परियार र तिमाल काभ्रेका विमलसिंह लामा दक्षिण कोरियाको खाङवन्दोस्थित छङसनगुन नाम्यन पुग्दा फुरफुर हिउँ परिरहेको थियो । गाडीबाट ओर्लिएर बस्ने होस्टलसम्म पुग्दा उनीहरूको कपाल सेताम्य भइसकेको थियो । बाहिरी तापक्रम माइनस १५ ...

    नयाँ वर्षसँगै दक्षिण कोरियामा कामदारको तलब बढ्याे

    नयाँ वर्ष सुरु भएसँगै दक्षिण कोरियाले सन् २०२० का लागि कामदारको न्यूनतम तलब बढाएको छ । गत वर्षभन्दा यो वर्ष २.८७ प्रतिशतले बढेर प्रतिघन्टा ८ हजार ५ सय ९० वन (७.४ अमेरिकी डलर) भएको छ । कोरियामा दैनिक ८ घन्टाको दरले हप्ताको ४० घन्टा काम गर्ने मजदुरको न्यूनतम ज्याला ...

    कोरिया आइपुगेको १७ दिनमै औद्योगिक दुर्घटनामा परि एक नेपालीको मृत्यु

    ईपिएस मार्फत रोजगारीका लागी १७ दिन अघि मात्र दक्षिण कोरिया आएका एक नेपालीको आैधोगिक दृघटनामा परी मृत्यु भएको छ । सुर्खेत पन्चपुरी नगरपालीका २ घर भई हाल दक्षिण कोरियाको थेजनमा रहेको एक कम्पनीमा कार्यरत २३ बर्षिय थिर बहादुर दर्लामी कम्पनिमा काम गर्दै गर्दा ...

    महिला / बालबालिका

    काेरियालीसँग विवाह

    नेपालमा हुँदा बाला राई व्यस्त पत्रकार थिइन् । झण्डै एक दशक मुलधारको पत्रकारिता गरेकी उनी राम्रो फिचर लेख्थिन् । उनको रुची कला र रंगमञ्च थियो । ...

    काेरियाका नेपालीकाे लागि साहासिक सामाजिक नेतृ अञ्जु केसी

    सन १९९३ मा कोरियामा स्थापना भएको सामाजिक संस्था नेपाली सम्पर्क समिति २६ बर्ष पुगि सक्यो। कोरियामा रहेका नेपालीहरुको दुख सुखमा हातेमालो गर्दै ...

    वमन फर वमन दक्षिण कोरियाको पाँचौ अधिवेशन सम्पन्न अध्यक्षमा रितु श्रेष्ठ

    वमन फर वमन दक्षिण कोरियाको अधिवेशन सम्पन्न भएको छ । आइतबार भएको पाँचौ अधिवेशनबाट अध्यक्षमा रितु श्रेष्ठ निर्वाचित भएकी छिन् । अन्य ...

    कोरियामा वुमन फर वुमन संस्थाको कार्यलाई हेर्दा

    सन २०१० मा केहि सचेत महिलाहरुको पहलमा महिलाको लागि महिला अर्थात वुमन फर वुमन काेरिया भन्ने संस्था खोलिएको थियो। महिला मात्र साधारण सदस्य हुने, ...

    error: Content is protected !!