एभरेष्ट म्युजिकल लाइभ कन्सर्टको तयारी अन्तिम चरणमा
कोरियाको नयाँ वर्ष तथा ठुलो पर्व सलनालको अवसर पारेर दक्षिण कोरियामा हुन लागेका एभरेष्ट म्युजिकल लाइभ कन्सर्ट ३ को तयारी अन्तिम चरणमा पुगेको आयोजकले जनाएको छ ।
बिश्वको सर्वोच्च शिर सगरमाथा नेपालीको शान, सन्जिवनी एम्बुलेन्स सहयोगार्थ हाम्रो अभियान भन्ने नाराका साथ हिमाली जिल्ला सोलुखुम्बुको फाप्लु अस्पताललाई एम्बुलेन्स उपलब्ध गराउने उद्देश्यले सोलुखुम्बु सेवा समाज दक्षिण कोरियाले आयोजना गर्न लागेको हो । नेपाल ललितकला मञ्च सह आयोजक रहेको उक्त साँगीतिक कार्यक्रम फेब्रअरी १५ तारिखका दिन सौलमा हुने भएको छ । उक्त सांगीतिक कार्यक्रममा नेपालका चर्चित कलाकारहरु गायिका मेलिना राई, शिव परियार, राज सिग्देल, मनिता राई, मिलन लामाका साथमा हास्य कलाकार संदिप क्षेत्रीलगायतको प्रस्तुति रहने भएको छ ।
उत्त कार्यक्रमका लागि कलाकारहरु १४ तारिख कोरिया आइपुग्ने आयोजकले जनाएको छ । साथै कार्यक्रमलाइ ब्याबस्थित बनाउन पुर्वान्चल सरोकर समाज सम्वद सस्थाहरुबाट समेत स्वयम सेवक १-१जना हुने भएको छ भने सस्थाको आन्तारिक तयारी अन्तर्गत विभिन्न सचिवालय समेत गठन गरि जिम्मेवारी बाड्फाड गरि कार्य बिभाजन गरिसकिएको छ ।
