हुन्डी कारोबारलाई थप कडाई गर्ने सरकारको तयारी
फोनिज कोरिया संवाददाता
काठमाडौ – नेपाल राष्ट्र बैकले हुन्डी कारोबारलाई कडाई गर्ने तयारी गरेको छ । आइतबार राजधानिमा आयोजित एक कार्यक्रममा राष्ट्र बैंकका प्रवक्ता डा. मीनबहादुर श्रेष्ठले हुण्डी र अवैध कारोबार रोक्न अर्थमन्त्रालय र राष्ट्र बैक सम्मलीत एक कार्यदलले अध्ययन थालिसकेको बताए ।
उनका अनुसार अध्ययनपछि वैधानिक कारोबारलाई प्रोत्साहन गर्न हुण्डी कारोबारीलाई कारवाही थालिने जानकारी दिए । साथै उनले हुण्डी कारोबारलाई निरुत्साहीत गर्न विदेशमा रहेका कामदारलाई समेत हुण्डी मार्फत रकम नपठाउन आग्रह गरेका छन । राष्ट्र बैकका अनुसार अझैपनि झण्डै तीस प्रतिशत विप्रेषण हुण्डीमार्फत भित्रने गरेको छ |
विप्रेषण रकम वितरणमा काम गर्दै आएको आइएमईका प्रमुख कार्यकारी अधिकृत सुमन पोखरेलले हुन्डीमार्फत रकम पठाउने वर्गलाई निरुत्साहित गर्न सरकारले कामदार वर्गलाई सचेत गर्नुपर्ने बताए ।
