सिटौलाद्वारा २८ लाख हस्तान्तरण
लिलु डुम्रे
सोल-एनआरएन कोरियाका पुर्ब अध्यक्ष केपी सिटौलाले व्यक्तिगत प्रयासमा संकलन गरेको २८ लाख रुपयाँ एनआरएनका केन्द्रीय अध्यक्ष शेष घलेलाइ सुक्रबार हस्तान्तरण गरेका छन् । भूकम्पपिडितहरुको पुर्नवास तथा पुन निर्मार्णका सहयोगका लागि सिटौलाले कोरियन संघ सस्था र नागरिकहरुबाट उक्त रकम जम्मा गरेका हुन् ।
शिक्षा र स्वास्थ्यमा दिर्घकालिन योगदानका लागि एनआरएनको पहललाइ सहयोग हुनेगरि रकम हस्तातरण गरिएको सिटौलाले स्पष्ट पारे । सहयोग रकम रकम २ करोड पुयाउने लक्ष रहेको जनाउदै सिटौलाले रकम शिक्षा,सामुदायिक विकास र कृषि क्षेत्रमा खर्च गरिने बताए |
१ हजार घर बनाउने एनआरएनको योजनामा मध्ये केहि गाउँहरु कोरियन गाउँसंग भगिनी सम्बन्ध स्थापना गरेर नमुना गाउँ बनाइने पनि भूकम्प ग्रस्त क्षेत्र सिन्धुपाल्चोकमा रहेका सिटौलाले फोनमा बताए |
एनआरएन अध्यक्ष शेष घलेले भने कोरियाबाट गरिएको योगदानले शिक्षा र स्वास्थ्यमा थप सहयोग पुग्नेछ । घलेले सहयोग रकम लक्षित समुहमा पुग्ने बताउदै कोरियाबाट भएको योगदानको उच्च मुल्याकन गरे ।
भूकम्प प्रभावित जिल्लाहरुमा दिर्घकालिन सहयोग पुग्ने गरि सिटौलाले रकम संकलन गरेका हुन् । सिटौला हाल प्रभावित बासिन्दाका सामुदायिक बिद्यालय निर्माणमा जुटेका छन् ।
