कोरियामा अबैधानिक कामदारको लाश खोलामा
डम्बर सुब्बा
सोल-कोरियामा रहेका अबैधानिक प्रवासी मजदूरको ज्यान जोखिममा रहेको एक घटनाले पुस्टि गरेको छ |कम्पनिमा काम गरिरहेका बेला विषाक्त ग्यासका कारण ज्यान गएका थाईलेन्डका एक अबैधानिक कामदारको मृत्युलाई लुकाउन साहुले लाशलाई टुक्रा टुक्रा पारेर खोलामा फालेको यन्हाय्प न्युज एजेन्सीले जनाएको छ |
घटना क्यङ्गगी पोछनमा भएको हो |त्यहाँ एक कंम्पनीमा काम गर्ने ४३ बर्षिय थाईलेण्डका अवैधानिक मजदुर यनथान ग्यासको विषाक्तताका कारण मृत्यु भएको थियो |
समाचार अनुसार ती बिदेशी कामदारको मृत्युलाई लुकाउन साहुले लाशलाई टुक्रा टुक्रा पारी खोलामा फालेर आफुले पनि आत्माहत्या गरेका थिए | अवैधानिक विदेशी मजदुरको लाश फाल्नमा सहयोग गर्ने कम्पनी मालिकको बहिनीले प्रहरी समक्ष आत्मसम्पर्ण गरे पछि सो रहस्य बाहिर आएको थियो ।
ईन्छन नामदोङ्ग प्रहरीका अनुसार गत ४ तारिख किम नाम गरेकी एक महिला प्रहरी कार्यलयमा आएर आफनो दाजुको कंम्पनीमा कार्यरत विदेशी मजदुरको लाश खोलामा फालेको भनी आत्मसम्पर्ण गरेका थिए । महिलाले बयानमा आफनो दाजु ऋण बढी भएर कालोसूचीमा परेको व्यक्रि थिए | दर्ता बिनाको कम्पनीमा अवैधानिक विदेशी मजदुरलाई रोजगारी दिएको थिए तर विदेशी मजदुरको मृत्युपछि धेरै जरीवाना हुने डरले मृतकको लाशलाई टुक्राटुक्रा पारी ठुलो झोलामा हाली खोलामा फालेको उनले बताइन ।
त्यसपछि आफनो दाजुले पनि अचानक गायब भएको रिपोर्ट प्रहरीमा दिएको थिए । पछि अनुसन्धानको क्रममा कंम्पनी संचालकले पनि अपराधको तथ्य बाहिर आउने डरले सुसाईड नोट लेखि आत्माहत्या गरेको प्रहरीले बताएको छ । -nepalikorea.com