सिविटी परिक्षा स्थगित हुनुको कारण
फोनिज कोरिया संवाददाता
सउल
कोरिया पुनह प्रवेश गर्न पाउने कम्पुटरमा आधारीत कोरियन भाषा परिक्षा (सिविटी) यो वर्ष स्थगित भएको छ । स्थगित गरिनुका कारण तोकिएको कोटा पुरा भइसकेको अनुमान गरिएकोले एचआरडी कार्यलयले यो वर्ष स्थगित गरिएको काउन्सीलर श्याम खडकाले जनाएका छन् ।
एचआरडी कोरिया कार्यलयका काउन्सीलर श्याम खडकाका अनुसार कोरियाले २०१७ को लागि १५ देशबाट ५६ हजार मजदुर कोरिया ल्याउने भएको छ । जसमा इपिएस नियमित सामान्य भाषा परिक्षा अन्तर्गत ४३ हजार र कोरियाको कार्यकाल पुरागरी पुन आउन पाउने सुबिधा ( सी बि टि र कमिटेड ओरकर ) अन्तर्गत १३ हजार मजदुर २०१७ मा कोरिया आउन पाउने छन् ।
कोरियाको कार्यकाल पुरागरी पुन आउन पाउने सुबिधा ( सी बि टि र कमिटेड ओरकर ) अन्तर्गत १३ हजार कोटा छुटाएकोमा २०१६ को सी बि टि परिक्षा पास गरि १७ मा आउने तयारीमा रहेका र आफ्नो कारणले कम्पनि परिबर्तन नगरी सोहि कम्पनिमा आउन पाउने सुबिधा कमिटेड वार्कर अन्तर्गत २०१७ मा आउन सक्ने सम्भावित श्रमिकको संख्या जम्मा गर्दा उक्त संख्यासंग मिल्न जाने हुदा २०१७ को लागि सी बि टि स्थगित गरिउको हो ।
तर तोकिएको संख्याका कमी आए सिविटी परिक्षा लिन पनि सकिने खड्काले बताएका छन् ।
कलकारखाना तर्फ ४२३००, कृषिमा ६६००, फिसिंगमा २६००, कन्ट्रक्सनमा २४०० र सेवामुलक कामको लागि १०० गरि जम्मा ५४ हजार र आवश्यक्ता अनुसार सबै छेत्रमा थप्न मिल्ने गरि २००० गरेर कुल ५६ हजार ल्याउन लागेको हो ।
