कोरियामा फेरी एक नेपालीको मृत्यु
फोनिज कोरिया संवाददाता
सोल-कोरियामा फेरी एक नेपालीको मृत्यु भएको छ | इपिएस मार्फत रोजगारी गर्न कोरिया आएका ताप्लेजुङका ३६ वर्षीय मोतीलाल आङबुहाङ लिम्बुको हृदयघातका कारण निधन भएको हो । लिम्बु साढे २ वर्षअघि कोरिया गएर नाम्येङ सागरीस्थित एक आल्मुनियम कम्पनीमा कार्यरत थिए ।
कम्पनीमा कार्यरत सहकर्मीहरुका अनुसार मृतक लिम्बु ज्यादै इमान्दार भएकाले कम्पनि ब्यबस्थापनसंग राम्रो सम्बन्ध थियो | उनि कहिल्यै मादक पदार्थ सेवन गर्दैनथे | उक्त कम्पनीमा लिम्बु सहित ३ जना कार्यरत थिए |
बिहिबार साँझ खाना खाएर राति ९ बजे सुतेका उनी विहान मृत भेटिएका हुन् । विहान काममा जानका लागि साथीहरुले उठाउन खोज्दा उनी शरीर निलो भएको अवस्थामा मृत फेला परेपछि प्रहरीमा खवर गरिएको थियो । बुसानमा रहेका उनका भाइ घटनास्थलमा पुगेका छन् |
प्रहरीले उनलाई हृदय घात भएको अनुमान गरेको छ । उनको मृत्युको विषयमा अनुसन्धान भैरहेको पनि प्रहरीले जनाएको छ ।
