कोरियामा गाडी दुर्घटनामा एक नेपालीको मृत्यु
फोनिज कोरिया सम्वाददाता
सउल
वैदेशिक रोजगारीको सिलसिलामा दक्षिण कोरिया आएका युवाहरुको पछिल्लो समय विभिन्न कारणले मृत्यु हुने क्रम बढ्दो अवस्थामा रहेको छ । आत्महत्या तथा सुतेको अवस्थामा मृत्यु हुने नेपालीको संख्या बढी रहेसँगै कहिलेकाँही कम्पनीको मेशिनमा बेरिएर ज्यान गुमाउनुको पिँडा त छँदै छ त्यहि माथि सडक दुर्घटनामा समेत नेपालीको मृत्यु हुनु अति नै दुखदपूर्ण भएको छ ।
यसैक्रममा इपिएसबाट आएका नविन राईको शुक्रबार सडकमा काम गर्नेक्रममा दुर्घटनामा परी निधन भएको छ । आफूले काम गर्ने कम्पनीको सामान (बोर्ड र पाइप) ट्रकमा लगेर सडकमा काम गर्नेक्रममा राईको दुर्घटनामा परी निधन भएको श्रम सहचारी देवराज ढकालले बताउनुभयो ।
विहान करिब ११.३० बजे आफ्नै कम्पनीको ट्रकबाट पाइप खसेर राईलाई लागी घाइते भएको प्रहरीले उल्लेख गरेको छ । त्यसपछि अस्पताल लाने क्रममा बाटैमा निधन भएको गाउँले साथी बद्री खड्काले जानकारी दिए । साथी खडकाका अनुसार मृतक राई इपिएसमार्फत ३८ महिना अघि कोरिया आएका थिए । उनी कोरिया आएदेखि नै ह्वासइ० सीको फारान स्थित एक सडकको बोर्ड बनाउने कम्पनीमा काम गर्दै आएका थिए । हालको मृतक राईको शब ख्वोयाइ०सीको म्याइ०जी अस्पतालमा राखिएको छ ।
अविवाहित २३ वर्षिय मृतक राई झापा जिल्ला शन्तिनगर २ का बासिन्दा हुन् । उनी दुर्घटना भएको स्थानमा कम्पनीकै दुई जना कोरियन कामदार थिए भने नेपाली उनी मात्रै थिए ।
