कोरियाको किम्फोमा छक्कापञ्जा आउदै
फोनिज कोरिया सम्वाददाता
किम्फो, नेपाली चलचित्र इतिहासकै सर्वाधिक सफल, हाँस्यब्यंग्यत्मक चलचित्र छक्कापञ्जा यहि आइतबार २० तारिख किम्फोमा प्रदर्शन गरिने भएको छ । क्रियटिभ एम्विसन नेपाल(सिएएन)ले किम्फो एरियामा रहेका नेपाली दर्शकलाई भरपुर मनोरञ्जन दिने उदेश्यले चलचित्र प्रदर्शनको आयोजना गर्न लागेको हो ।
विगतमा पनि किम्पो क्षेत्रमा विभिन्न चलचित्र प्रदर्शन गरिसकेको यसCreative Ambiton Nepal ( CAN ) द्वारा यसपटक दर्शकहरुको सुबिधालाइ ध्यानमा राख्दै सुबिधासम्पन्न हलमा यो चलचित्र प्रदर्शन गर्न लागेकोमा सम्पुर्ण कोरिया बासी नेपाली महानुभाव हरुलाइ हार्दिक निमन्त्रणा गरेको छ ।
Gimpo Independence Movement Memorial hall (김포시 독립운동기념관) याङ्गोक छन्छुख्यो बस स्टप पारिको याङ्गोक सेगेरो मार्ट , साम्सङ प्लाजा हुँदै अगाडि जादा देब्रेतिरको पार्क भित्र रहेको भवनमा दिउँसो १२ बजे चलचित्र प्रदर्शन गरिने आयोजकले जनाएको छ । चलचित्र हेर्न आउने दर्शकलाई हाँस्यव्यंग्यले भरिएको सामाजिक चलचित्र प्रदर्शनसँगै नेपाली खाजाको स्वाद पनि चखाउने भएको छ ।
