कोरियामा मृतक मनोज ढांगीको आत्माहत्या नै भएको ठहर
सउल
दक्षिण कोरियामा गत मंगलबार (सेम्टेम्बर २०) मृत भेटिएको रेष्टुरेन्ट व्यवसायी मनोज ढांगीको आत्माहत्या नै भएको पुष्टी भएको छ । शनिबार पोष्टमार्टमको प्राथमिक प्रतिवेदनले ढांगीको मृत्यु आत्माहत्याबाटै भएको पुष्टी भएको एनआरएन आइसिसीका प्रतिनिधी केपी सिटौलाले बताए ।
पोष्टमार्ट प्रतिवेदनमा घाँटीमा डोरीको डोब बाहेक अन्य चोट नदेखिएको उल्लेख गरिएको छ । चिकित्कबाट उपचार गर्नेक्रममा छातीमा दवाब दिइदा नाक र कानबाट रगत निस्को र अस्पताल पुराएपछि घाँटीको मुनी प्वाल पारी पाइप हालेर कृतिम स्वाश्प्रस्वाश दिनेक्रममा घाँटीमा चोट लागेको प्रतिवेदनमा उल्लेख गरिएको सिटौलाले जानकारी गराए ।
सिटौलाका अनुसार मृतक ढांगीको मृत्यु भएको दिन विहान १० बजेदेखि सिसी टिभीमा अध्ययन गर्दा पनि एक्लै हिडुल गरेको देखिएको । तर घटना घट्नु भन्दा १ घण्टा १९ मिनट को अन्तरमा भने ढांगीको अवस्था अज्ञात रहेको सिसी टिभीको प्रतिवेदनमा उल्लेख गरिएको छ ।
सउलको सिन्छोनमा काठमाण्डौ रेष्टुरेन्ट संचालन गर्दै आएका ढांगीले आत्माहत्या गर्नु पर्ने कुनै कारण नखुलेको र एक साजसेवी त्यक्तित्वबाट भएको आत्माहत्यालाई कोरियाको नेपाली समुदायले विश्वासै गर्न नसकेकोले हत्याको आशंका गरेका थिए । नेपालीहरुले मृतक ढांगीको परिवारलाई भेटी , पासो लगाई आत्माहत्या गरिएको ठाउँको र शबको अवलोकन गरेपछि शंकास्पद देखिएको भन्दै छनविनको माग गरिएको थियो ।
साथै ढांगीको नेपालमा रहेको परिवारबाट मृतक ढाँगीको श्रीमति र ठूलो छोरालाई शंका गरी किटानी जाहेर गर्दै कोरिया स्थित नेपाली राजदूताबासमा घटनाको छानविन गर्न माग गरी निवेदन परेको थियो । त्यसैले मृत्यु भएकै दिन घटनामा संलग्न प्रहरीले आत्माहत्याले नै मृत्यु भएको पुष्टी गरेपनि सबैको अथक प्रयासबाट अस्पतालमा मृतक ढांगीको पोष्टमार्टन गरिएको हो । एनआरएन आइसिसी प्रतिनिधी केपी सिटौला, डा. देवि बहादुर बस्नेत र नेपाली दूतावासको विषेश पहलमा प्रहरी प्रशासन र अस्पतालसंग मिलेर पोष्टमार्टन गरेका थिए ।
मृतक ढांगीको कोरिया स्थित श्रीमती र दुई छोराबाट ढांगीको भोली आइतबार कोरियामै सउलको याइ०जे दाहसंस्कार घरमा अत्येष्टी गरिने भएको छ । विहान ११ वजे शब अस्पतालबाट प्रस्थान गरी १ बजे अन्त्येष्टी शुरु गरिने परिवारले जनाएको छ । शनिबार साँझदेखि मृतक ढांगीको शब राखिएको अस्पतालमा श्रद्धाञ्जली आरम्भ गरिने छ ।
