झापालीको कन्काई सांगीतिक कार्यक्रमका कलाकार पनि कोरिया आइपुगे
फोनिज संवाददाता
सउल
झापा मिलन समाजले भोलि (विहिबार) गरिने कन्काई सागीतिक कार्यक्रमका कलाकारहरु कोरिया आइपुगेका छन् । समाजका अध्यक्ष सन्तोष श्रेष्ठ , सचिव शुशिल मैनाली र कार्यक्रम संयोजक राजु थापालगायत टोली इन्छन अन्तराष्ट्रिय विमान स्थलमा पुगी कलाकारहरुलाई स्वागत गरेका थिए ।
नेपालबाट चर्चित गायक प्रमेद खरेल, दिपक लिम्बू, इन्दिरा जोशी, अल्मोडा राना उप्रेती , हास्य कलाकार विल्सन विक्रम राई र उद्घोषिका प्रियइ०का कार्की कोरिया आइपुगेका छन् । भोलि हुने कार्यक्रममा दर्शकहरुलाई भरपुर मनोरञ्जन दिन आफूहरु तयार रहेको भन्दै कलाकारहरुले सबैलाई उपस्थित भइ रमाइलो गर्न आग्रह गरेका छन् ।
झापा मिलन समाजले हाल संचालन गरिरहेको सेल्टरलाई अझ सुरक्षित र सुव्यवस्थित गर्न सांगीतिक कार्यक्रम गर्न लागेको आयोजकले जनाएको छ ।
