नेसासको सांगीतिक एल्बम ‘सहयात्रा ‘को उडान अगष्ट २८ मा
सोल-नेपाली साहित्य समाजले ‘सहयात्रा’ एल्बमको विमोचन तथा सांगीतिक कार्यक्रमको आयोजना गर्ने भएको छ ।आगामी अगष्ट २८ मा सांगीतिक तथा साहित्यिक कार्यक्रमको बीचमा सो एल्बमको विमोचन गर्न लागेको हो ।कोरियामा कार्यरत १५ जना सर्जकको शब्द समेटेर नेसासले सो सांगीतिक एल्बमको विमोचन सोलमा गर्दैछ ।
नेपाली साहित्यमा योगदान दिदैं आएका साहित्यकारहरुको गीत,गजलको संयुक्त एल्बम ‘सहयात्रा’ उत्कृष्ट बनेको नेसासकी अध्यक्ष धरति कल्पनाले बताईन् ।नेसासको यो एल्बम विमोचन ऐतिहासिक र संझनालायक हुने उनले विश्वास व्यक्त गरिन् ।यस अघि नेसासले थेगुमा गर्दैं आएको साहित्यिक कार्यक्रम सोलतिरको साहित्यिक सर्जकलाई मध्यनजर गरी गर्न लागिएको सचिव सुरेन्द्र कार्कीले बताए ।
‘सहयात्रा’मा श्रष्टाहरु सायद कृष्ण राई,गंगा पौडेल ,सकुन आँसु ,खगेन्द्र पराजुली ,सुशील राज रेग्मी ,गणेश पौडेल ‘अकबरे’,बिनोद बान्तवा ,मिलन किराँती ,पुर्बेली गाउले ,चन्द्र लामा ‘अनुराग’ ,मणि भुसाल ,यल्जी बिबस ,फडिन्द्र भण्डारी ‘अर्पण’,सुरेन्द्र कार्की र धरती कल्पनाले शब्द कोरेका छन् । कोरियामा कार्यरत चर्चित संगीतकार डि आर अटुको धेरैंजसो संगीत रहेको यो एल्बममा नेपालका ख्यातिप्राप्त गायक गायिका तथा कोरियामा रहेका रोविन रेगम,राजेन्द्र परियारले आफनो स्वर दिएका छन् ।सिडिएम म्युजिक क्रियसनले तयार पारेको उक्त एल्बमको कभर डिजाईन फडिन्द्र भण्डारी ‘अर्पण’ले गरेका हुन् ।
साथैं सांगीतिक एल्बमको विमोचनलाई रमाईलो र मनोरञ्जन प्रदान गर्न लोक गायक सिपि मगर,संगीतकार डि आर अटु, गायकहरु अशोक थुलुंग,साम लिम्बू,रोविन रेगम,सन्दिप नेपाली,राजेन्द्र परियार,अमन तामांग,अमन थिंग,बुद्ध गुरुंग,विनोद वान्तवा,उमेश नेम्वांग र अर्जुन सुब्बाले सांगीतिक प्रस्तुती दिने छन् ।
नेसासले ‘सहयात्रा’ एल्बम बिक्रीवितरणबाट आएको आर्थिक सहयोगलाई कुल रकमको ६० प्रतिशत सेवक नेपाललाई प्रदान गर्ने भएको छ । बाँकी रहेको ४०प्रतिशत रकम नेसासकै कोषमा राखेर साहित्यिक उत्थानमा खर्च गर्ने उद्देश्य नेसासले लिएको छ ।नेसासले आगामी आईतबार हुने कार्यक्रममा कोरियामा रहेका सम्पुर्ण संघसंस्था,राजनीतिक तथा जातिय भातृसंगठन,बुद्धिजीवि,पत्रकार,साहित्यिकार,व्यापारी लगायतलाई सो दिन उपस्थित भएर सहयात्रा एल्बम विमोचन तथा सांगीतिक एल्बमको सोभा बढाईदिन आग्रहसमेत गरेको छ ।
विस्तृत जानकारीको लागि
सहयात्रा एल्बम विमोचन तथा सांगीतिक कार्यक्रम
मिति :२०१६ अगस्ट २८ तारिख, आईतबार
समय: बिहान ११ बजे
स्थान :काठमाण्डौं रेष्टुरेन्ट सोल,
लाईन २ सिन्चोन स्टेसन गेट नं २ बाट ५ सय मिटर अघि
For Taxi:서울시 서대문 구 연재 로 11길 29( 창천동52-152) 2 층
थप जानकारीको लागि
धरति कल्पना: ०१०५९६९७०१०
सुरेन्द्र कार्की :०१०५९५०७४८३
ऐश्वर्य श्रेष्ठ :०१०४८३३६९०८
आयोजक : नेपाली साहित्य समाज दक्षिण कोरिया
