उम्सङ नेपाली सहयोग समितिको साधारणसभा मे ३ मा
फोनिज कोरिया संवाददाता
रोजगारीका लागि नेपाली युवाहरू कोरिया आउने क्रम बढेसंगै सामाजिक संघ संस्थागरूको संख्यामा पनि बृद्धि हुँदै गएकोछ । कोरियाको ०४३ अन्तर्गत पर्ने उम्सङ क्षेत्रमा कार्यरत नेपालीहरूद्वारा मानवीय सहयोग र सामाजिक कार्य गर्ने उद्देश्य राखी सन् २०१३ मा तदर्थ समिति गठन पश्चात् क्रियाशील रहेको ‘उम्सङ नेपाली सहयोग समिति, कोरियाको दोस्रो साधारण सभा आउँदो मई ३ तारिखमा वनभोज कार्यक्रमका साथ सम्पन्न गरिने जानकारी सो संस्थाका सचिव हरी भट्टराईले दिएका छन् ।
उम्सङ मुगुकस्थित वल्ड मार्केटमा आज भएको अनौपचारिक छलफलमा उपाध्यक्ष दिपक दाहाल, सचिव हरी भट्टराई , सह-सचिव बाबुराम पोख्रेल, कोषाध्यक्ष लालबहादुर साउद, सदस्य कृष्ण लिम्बु लगायत संस्थाका साधारण सदस्यहरु सहभागी थिए ।
सेंगुक सुरेसान क्षेत्रमा आयोजना गरिन लागेको दोस्रो साधारण सभामा उपस्थित हुन संस्थामा आवद्ध सबै सदस्य र नव आगन्तुक साथीहरूलाई हार्दिक अनुरोध गर्दै सदस्यता नवीकरण अप्रिल २५ तारिखभित्र गरिसक्नुपर्ने सो संस्थाले जनाएको छ।
