कोरियामा चलचित्र प्रर्दशनको मुनाफा भूकम्प पीडितलाई
फोनिज कोरिया संवाददाता
सोल
ओखलढुंगा सेवा समाजले यही मे ३ तारिख कोरियामा प्रदर्शन गरेको नेपाली कथानक चलचित्र रेशम फिलिलिको सम्पूर्ण मुनाफा भूकम्प पीडित राहत कोषालाई बुझाएको छ । कोरिया स्थीत नेपाली राजदूतबासले स्थापना गरेको राहतकोषमा समाजले मंगलबार १६ लाख ६६ हजार ६ सय ६६ वन बुझाएको हो ।
सोल स्थित दूतबासमा पुगेका समाजका अध्यक्ष मानसिंह गुरुइ०, ले राजदूत कामनसिंह लामालाई सो रकम हस्तान्तरण गरेका थिए । राहत रकम बुझेपछि राजदूत लामाले राष्ट्रलाइ विपत परेको बेला हामी सबै मिलेर सामना गर्नु पर्ने र यस्तो कार्यमा ओखलढुंगा सेवा समाजले देखएको अग्रसरता प्रति कृतज्ञता प्रकट गरे । स्वदेशी तथा विदेशी संघ सस्था र व्यक्तिहरुबाट प्राप्त सहयोगलाई छिट्टै एकमुष्ट प्रधानमन्त्री राहत कोषमा पठाइने जानकारी पनि उहाले गराए ।
सोही अवसरमा समाजका अध्यक्ष गुरुइ०ले सस्थाले विविध सामाजिक उद्देश्य राखेर चलचित्र परदर्शन गरे पनि राष्ट्र दुखेको बेला थोरै भए पनि नेपाल सरकारसंग हातेमालो गर्न चाहेको बताउदै कोरियाको विभिन्न शहरमा हुने रेशम फिलिलीको प्रदर्शनबाट प्राप्त रकम पनि विविध
सामाजिक कार्यहरुमा खर्च गरिने जानकारी गराए ।
यसै गरि ओखलढुंगा सेवा समाज दक्षिण कोरियाले आफ्नो ग्रिह जिल्लाको लागि पनि भूकम्प पिडितहरुको लागि राहत संकलन गरिरहेको र छिट्टै भरपर्दो संयन्त्र मार्फत जिल्ला पठाइने निर्णय भएको जानकारी समाजका सचिव श्रीराम गुरुंगले दिएका छन् |सहोग हस्तान्तरण कार्यक्रममा समाजका सचिव श्रीराम गुरुङ,सहकोषाध्यक्ष नरेश कुमार राई सदस्य कविराज राईको उपस्थिति थियो |