कोरियामा निधन भएका ठाकुर प्र.राईको परिवारलाई संखुवासभा सम्पर्क परिवारको आर्थिक सहयोग

सोल-कोरियाको नयाँ बर्ष सलनालको बिदामा संखुवासभा सम्पर्क परिबारले नेपालहाउसमा आयोजित कार्यक्रममा जिल्लावासिहरूको बृहत भेटघाट तथा श्रम सहचारी श्री अनिल गुरुङ ज्युको बिधाई कार्यक्रम सम्पन्न गरि कोरियमा निधन भएका ठाकुर प्र.राईका बालबच्चाहरूको शिक्षाको लागि संखुवासभा सम्पर्क परिबारले संकलन गरेको ३,४२२,०००वोन(चौतिस लाख बाईस हजार वोन) राईको परिवारलाई हस्तानतरण गर्ने भएको छ ।

संस्थाका अध्यक्ष गणेश घिमिरेको सभापतित्वमा आयोजित कार्यक्रमको प्रमुख अथिती श्रमसहचारी श्री अनिल गुरुङ्ग, अथितीहरूमा संस्थाका संस्थापक सल्लाहाकार तथा अनेसास कोरिया च्याप्टरका अध्यक्ष मनोज कुमार डाँगी, सल्लाहाकार कमल थाप, हरी केसी, अनेसार कोरिया च्याप्टरका उपाध्यक्ष(संगितकार) सूर्य खत्री “घायल” र निमेष पौड्येल उपस्थित रहेको कार्यक्रमलाई सचिब रेख बहादुर गुरुङ्गले संचालन गरेका थिए । प्रमुख अथिती ज्युबाट दिप प्रज्वलन गरि शुरू भएको कार्यक्रममा स्वर्गिय ठाकुर प्र.राई लगाएत कोरियामा ज्यान गुमाएकाहरूको संझनामा १ मिनेट मौनधारण गरिएको थियो ।

कार्यक्रममा उपस्थित सम्पूर्ण जिल्लबासिहरूलाई संस्थाका उपाध्यक्ष भुपालमान बस्नेतले स्वागत मन्तब्य राखेका थिए । स्वा. राईको बालबच्चालाई शिक्षाबाट बन्चित हुन नदिन सहयोग रकम संकलन गरेको र सहयोग संकलनमा सहभागी सम्पूर्ण जिल्लाबासी लगायत सबै संघ संस्था र सहयोगीहरूमा अध्यक्ष घिमिरेले आभार तथा धन्यबाद ब्याक्त गरेका थिए । प्रमुख अथितीको आसनबाट बोल्दै अनिल गुरुङ्गले कोरियामा ज्यान गुमाएका राईले कानुनिरूपमा पाउनु पर्ने सम्पूर्ण सुबिधाको लागि पहल गरिरहेको जानकारी गराए ।

आफू जहाँ जसरी रहे पनि आफु जन्मेको माटोलाई भुल्न सकिँदैन र त्यहि गाउँ ठाउँका हामी बिदेसमा पनि एक अर्काप्रति दुःख पिडाहरुमा सहयोगी भावना हुनुपर्दछ भन्दै संखुवा सभालीहरुको साझा संस्था संखुवासभा सम्पर्क परिबारलाई धन्यबाद ब्याक्त गरेका थिए । साथै आफ्नो कार्यकाल सकाएर नेपाल फर्किन लाग्नु भएका श्रमसहचारी श्री अनिल गुरुङ्गलाई सोहि कार्यक्रममा संखुवासभा सम्पर्क परिबारले विदाई तथा सम्मान गरिएको थियो ।

संस्थाको बार्षिक आय ब्यय कोषाध्यक्ष प्रकाश घिमिरे प्रस्तुत गरेपश्चात अनेसास कोरियाका च्याप्टरका उपाध्यक्ष सुर्य खत्री “घायल” र गजलकार लभकुस घिमिरेले मिठा कबिता र गजल बाचन गरेका थिए । संखुवासभा सम्पर्क परिबारका सदस्यहरू गायक डिगेश गुरुङ्ग र सुमन गुरुङ्गको गितमा सबै जिल्लाबासीहरूले नाचेर रमाइलो गर्दै भरपुर मनोरंजन लिएका थिए । संस्थामा विशेष योगदान पुर्याउने ब्याक्तिहरूलाई सम्मान पत्र प्रदान गर्दै कोरियन नयाँ बर्षको शुभकामना आदान प्रदान गरेर कार्यक्रम समाप्त गरिएको थियो ।