कोरियाको टप सर्जन नेपालको भुकम्पपिडित क्षेत्रमा जादैं
ऐश्वर्य श्रेष्ठ,सोल –दक्षिण कोरियाका टप प्लास्टिक सर्जन नेपालको भुकम्प प्रभावित क्षेत्रमा जाने भएका छन् ।
नाफारहित संस्था ग्लोबल केयरले बताए अनुसार यु दे हिउन आगामी सोमबार नेपाल जाने भएका छन् ।सोलस्थित रहेको गैंरसरकारी संस्था ग्लोबल केयरमा कार्यरत ५३ बर्षीय हिउनले नेपालमा रहेको एनजिओ हुमन डेभल्पमेन्ट एण्ड कम्युनिटी सर्भिससंगको सहकार्यमा काठमाण्डौंमा सेवा दिने भएका छन् ।
नेपालमा गत शनिबार गएको ७.८ रेक्टर स्केलको भुकम्पमा परि घाइते भएकाहरुको उपचारमा हिउनले शुक्रबारसम्म काम गर्नेछन् भने उनको टिम भने केही दिन त्यही रहने समेत ग्लोबल केयरले बताएको छ ।
हिउन भन्छन् “कस्तो बिरामीहरु बढीछन् र तिनका आवश्यकता जान्नु महत्वपुर्ण काम भएको बताउछन् ।काठमाण्डौं बाहिर झन हजारौं भुकम्पपिडित छन् जसले उपचार पाएका छैंनन् ।हाम्रो प्रमुख दायित्व भनेको दीर्घकालिन उपचार व्यवस्था गर्नु हो तसर्थ हामीले कस्तो औंषधीहरु त्यहां आवश्यक पर्छ त्यो जान्नु हो ।”
हालसम्ममा नेपालमा भुकम्पमा परी ५६सय ३० को मृत्यु भैंसकेको पुष्टि भएको छ भने १० हजार भन्दा बढी घाइते भएका छन् ।
गत मार्चमा एक व्यक्तिले अनुहार र हातमा चक्कुले हान्दा गम्भिर घाइते भएका अमेरिकी राजदुत मार्क लिर्पटको हिउनले सफल उपचार गरेका थिए ।त्यसैंगरी उनको टिमले भियतनाम,लाओस,म्यानमार लगायतका देशमा सफल सर्जरी गरीसकेका छन् ।