जनसम्पर्क समिति कोरियाले भूकम्प पीडितहरुका लागि राहत संकलन गर्ने ।
सोल-जनसम्पर्क समिति कोरियाले चिसोबाट कठ्याग्रीरहेका भूकम्प पीडितहरुका लागि राहत संकलन गर्ने भएको छ । साथै निवर्तमान कार्य समितिलाई विदाई पनि गर्ने भएको छ । गत २० डिसेम्बरमा नेपाली जनसम्पर्क समिति सभापति गिरिराज कुंवरको सभापतित्वमा बसेको नव निर्वाचित कार्य समितिको पहिलो बैठकले सो निर्णय गरेको हो ।
जनसम्पर्क समितिका महामन्त्री जीतेन्द्र महताका अनुसार भारतीय नाकाबन्दीबाट नेपालमा औषधि लगायतको अभावले विरामीहरुलाई परेको मर्कालाई मध्यनजर गर्दै एन.आर.एन. दक्षिण कोरियामार्फत पीडितहरुलाई राहत पुर्याउनको लागी सोही दिन एक कार्यक्रमका माझ एन.आर. एन. अध्यक्ष राजु क्षेत्रीलाई ५,००,००० (पाँच लाख) वन हस्तान्तरण गरेर नयाँ कार्य समितिले परोपकारी कार्यको सुरुवात गरेको बताए ।
उक्त सहयोग रकम जनसम्पर्कका क्षेत्रीय कार्य समिति र केन्द्रीय समितिबाट संकलन गरिएको थियो । नेपालमा भूकम्प पीडितहरु चिसोको कारण केही जिल्लाहरुमा स्थिति कष्टकर बन्दै नाबालक र बृद् , बृदाको मृत्युु भईरहको छ । यो बिचमा सरोकार वाला सम्बन्धित निकायबाट भूकम्प पीडितहरुको उचित व्यवस्थापन, सामान्य आवास र न्यानो लत्ताकपडाको उचित जोहो गर्न सकिरहेको छैन ।
भूकम्प पीडितहरुको जनजीवन मध्यनजर गर्दै नेपाली जनसम्पर्क समितिले चिसोमा कठ्याइङ्ग्रीरहेका पीडितहरुका लागि कम्बल वितरण गर्ने उद्देश्यले कोषाध्यक्ष रामु कार्कीको संयोजकत्वमा क्षेत्रीय सभापतिहरु क्रमशः ईश्वर क्षेत्री, राजु देउवा, तिर्थ घिमिरे, आनन्द सिलवाल, सुन्दर लिम्बू, सोम ढकाल र सुवास थापा सदस्य रहने गरि सहयोग संकलन समिति बनाएर राहत संकलनलाई तिव्रता दिएको छ ।
प्रवासमा रहेकाहरु अलिकति धन र फराकिलो परोपकारी मन राखी यस कार्यमा नेपासहयोग गर्न जनसम्पर्क समितिले दक्षिण कोरियाले सम्पूर्ण मनकारी कांग्रेसजन, नेविसंघ, तरुण दल,व्यापारी, बुद्धिजीवी लगायत ईच्छुक महानभावहरुलाई जनवरी १० तारिखसम्म संयोजक रामु कार्कीको IBK बैंकमा रहेको खाता नं. 01072652409 मा सहयोग रकम जम्मा गरि दिन हार्दिक अपिल गरेको छ ।
