ए न सि सी बुसानको निर्वाचन निष्पक्ष र बिधान सम्मत भएको एन सि सी केन्द्रको भनाई
सौल – सन्तोष दाहाल । नेपाली सम्पर्क समिती कोरियाले बुसान शाखाको ७ औं अधिवेशन निष्पक्ष र धाँधली रहित रहेको बताएको छ । समितीले आज एक विज्ञप्ती प्रकाशित गरी कोरिया बाट प्रकाशन हुने एक अन लाईन मेडियामा आएको समाचारको खण्डन समेत गरेको छ ।
हेर्नुहोस् बिज्ञप्ती –
कोरिया बाट प्रकाशन हुने एक अन लाईन मेडियामा आएको ‘भ्रमपूर्णसमाचार’को एन सि सी कोरियाको घोर आपत्ती |
सबै कोरिसाबासी नेपालीहरूलाई बुसान शाखाको ७ औं अधिवेशन निष्पक्ष र धाँधली रहित रहेको जानकारी गराउदैं नव निर्वाचित कार्यसमितीलाई बधाई तथा शुभकामना व्यक्त गर्दछौँ। तर एक अन लाईन मेडियामा निर्वाचन बिधीसम्मत र निष्पक्ष नभएको भन्ने कपोकल्पित र भ्रामक समाचारको खण्डन गर्दछौं। बुसान शाखाको साधारण सभा विवादका बिच नभैकन बहस,छलफल र उपस्थीत सभाहलले ताली बजाएर सर्वसम्मत र बैधानिक प्रकियाबाट सम्पन्न भएको छ । ओपचारिक पहिलो चरणको कार्यक्रम सकिएपछि दोस्रो चरणको बन्द सत्रको शुरूवातमा केहि अस्पष्टता रहेको थियो ।तर यथार्थताको जानकारी पश्चात उपस्थीत सभाले सर्वसम्मत अध्यक्ष लगायत सबै पदहरूको चयन गरेको थियो । सर्वप्रथमत शाखाको अधिवेशन समय भन्दा ढिलो भएको कारणले (२ बर्षको समय सकिएर करिब १ बर्ष कामचलाउको अवस्थामा रहेको) केहि दुबिधा श्रृजना भएको थियो । यो अधिवेशन केन्द्रीय अधिवेशन भन्दा पहिला नै हुनुपर्ने थियो । बिभिन्न कारणले अघिल्लो कार्यसमितीले समयमा नै सम्पन्न गर्न नसेको कारण यहा केहि दुबिधाको अवस्था श्रृजना हुनु स्वभाविक नै हो । तर उपस्थित सभाहलले छैठौ कार्यसमितीलाई आगामी नेतृत्व दिन खोज्दा सो समितीका एल बी बिष्ट र शुवास देवकोटा मात्र रहेको र निवर्तमान कार्यबाहक अध्यक्ष एल बी बिष्टले पुन नेतृत्वमा आउन रूची नदेखाउनु भयो भने अर्का बाकीं सदस्य शुवास देवकोटाले अध्यक्ष पदको लागी उमेद्वारी दर्ता गर्नुभयो । त्यसैगरी बाहिरबाट हिरा लामा र संगित अधिकारीले पनि उमेद्वारी दर्ता गराउनुभयो । त्यसैगरी अन्य पदाधीकारीहरूको पनि निर्वाचनमण्डलले मनोनयन लियो । त्यसपश्चात केन्द्रिय अध्यक्ष प्रेम शाहले अध्यक्षका तिनै जना प्रत्यासीलाई आफ्ना विचार र योजना राख्नको लागी मन्चमा आउन आग्रह गर्नुभयो । निर्वाचन मण्जलका सदस्य खेम कार्कीले पालै पालो मन्चमा बोलाएर विचार राख्नै मौका दिनुभयो । त्यपश्चात निर्वाचन मण्डलले आपासी समझदारी गर्न तिनै जनलाई आग्रह गरियो । उहांहरूले बन्द कोठामा केहि बेर छलफल गरेपछि सहमती लिएर आउनुभयो र मन्चमा आएर उहांहरू मध्ये हिरालामाले संगित अधिकारीलाई समर्थन गर्दै उमेद्वारी फिर्ता लिनुभयो । त्यसैगरी शुवास देवकोटाले पनि आफ्नो कुरा राख्दै मनोनयन फिर्ता लिनुभयो । र अध्यक्षका एक मात्र प्रत्यासी संगित अधिकारी सर्वसम्मत अध्यक्षमा निर्वाचित भए । संग संगै अरू पदहरूमा बरिष्ठ उपाध्यक्ष ,उपाध्यक्ष ,महासचिव,सचिव र कोषाध्य र सदस्य निर्विरोध निर्वाचित भए । यसरी निवर्तमान अध्यक्ष तथा कार्यक्रमका सभापती एल बि बिष्टले निर्वाचित पदाधीकारीहरूलाई बधाई दिंदै आगामी दिनमा पनि हातेमालो गर्दै अगाडी बढ्ने प्रतिवद्दत व्यक्त गरेर कार्यक्रम समापन भयो । समाचारमा आएजस्तो न त्यहां राजनीती भएको थियो न धाँधली नै । यो अधिवेशले समयमा नै शाखाको अधिवेशन सम्पन्न गर्नुपर्ने पाठ भने सिकाएको छ । जहासम्म अध्यक्ष शाहले एकलौटी गरी नयाँ कार्यसमिती घोषणा गरेको आरोप छ जुन सरासर गलत सावित छ । मन्चबाटै कार्यसमितीलाई बधाई दिंदै बिष्ट ,सोन्सिकका अध्यक्ष ईन्दिरा तिवारी लगायत निर्वाचन कमिटीले खांदा ओढाई बधाई तथा शुभकामना दिएका थिए । तर यति हुंदा हुंदैपनि मिडियामा गलत समाचार सम्प्रेशन हुनु दुखद र भ्रत्सनायोग्य रहेको छ। यस्ता गलत र भ्रामक समाचारले समाजमा गलत सन्देश जाने मात्र नभएर सिंगो मिडिया जगतलाई नै बद्नाम गराउने कार्य गर्दछ । त्यसैले आगामी दिनमा यस्ता भ्रामक समाचार सम्प्रेश नगर्न आग्रह गर्दै निश्पक्ष र सत्यतथ्य सुचना प्रवाह गर्न अनुरोध गर्दछौ । बिज्ञप्ति मा जनाइएको छ |
नेपाली सम्पर्क समिती दक्षिण कोरिया केन्द्रिय समिती
