कोरियाली विकास मोडेल सिकेर फर्कियो पूर्वअर्थमन्त्रीको टोली
काठमाडौं-दक्षिण कोरियाको दुई साता लामो भ्रमणमा गएको पूर्व अर्थमन्त्री तथा सभासद् सुरेन्द्र पाण्डे नेतृत्वको टोलीले कोरियाली बिकास मोडल नेपालमा अबलम्बन गर्नेबारेमा ब्यापक अन्तक्र्रिया गरी नेपाल फर्किएको छ । आज भन्दा झण्डै ४२ बर्ष अघि कोरियाले अपनाएको ग्रामिण अर्थतन्त्रको आधुनिकीकरण गर्ने बिधि सेमाउल उन्दोड.का बारेमा विश्व नेताहरुको सहभागितामा आयोजित तालिम तथा सम्मेलनमा नेपाली टोलीलाई आमन्त्रित गरिएको थियो ।
कोरिया समोउल उन्दोड. सेन्टरको आब्हानमा भएको कार्यक्रममा ९ देशका अर्थमन्त्रीहरु, २८ देशका ९२ सहभागी र ६ हजार कोरियाली सेमाउल अभियानकर्ताहरु संलग्न थिए ।
कोरियाले आफ्नो देशको ग्रामिण अर्थतन्त्रलाई आधुनिकीकरण गर्न अबलम्बन गरेको समोउल उन्दोड. अभियानलाई विश्वब्यापी रुपमा फैलाउँदै लगेको छ । नेपालमा चितवन जिल्लाको पूर्वी गाउँ पिप्लेमा यसलाई लागु गरिएको छ भने नवबलपरासी जिल्लामा ८० करोडका आयोजनाहरु सुरु हुँदैछन् ।
त्यस्तै मंगोलिया, लाओस, भियतनाम, चीन, रुवाण्डालगायतका देशहरुमा पनि कोरयाली बिकास मोडल अबलम्बन गरिएको छ । कार्यक्रममा आज भन्दा ४२ बर्ष पहिले नेपाल भन्दा पनि गरीब र लथालिंग रहेको कोरिया आज कसरी विश्वको ११ धनी अर्थतन्त्र भयो भन्ने कुरा देखाईएको एक सहभागीले बताए ।
परिश्रम, स्वयंसेवा र सहकार्यको माध्यमबाट गाउँको बिकास गर्दै आधुनिक अर्थतन्त्र निर्माण गर्न प्रोत्साहित गर्ने यस अभियानमा गाउँमा सिधै रकम नदिई अत्याबश्यक निर्माण सामाग्री तथा उत्पादनका लागि आबश्यक उपकरणहरु खरिद गरेर दिने गरिन्छ । यसबाट भ्रष्ट्राचार कम हुनुका साथै गाउँलेहरुमा काम गर्न प्रोत्साहन मिलेको र बिकास कार्यक्रमहरुमा स्वामित्वबोध बढ्ने गरेको पाईन्छ । चितवनको पिप्लेमा यही मोडलको प्रयोगले ग्रामिण सिमेन्ट सडकहरु बनाईनुका साथै बिद्यलाय र आयआर्जनका कार्यक्रमहरु संचालन गरिएका छन् ।
८ सदस्यीय नेपाली टोलीले कोरियाको सौल सिटि, रास्ट्रिय संग्रहालय, देगु सिटि, क्रिसी अनुसन्धान केन्द्र, ख्येंग्जु पर्यटकीय सहर, मुनसङ रि नमूना सेमाउल गाउँ, पोस्को स्टिल कम्पनि, सामसङ इलेक्ट्रोनिक कम्पनि , पुर्ब राष्ट्रपति पार्क चङ हिको जन्मघर, कुमि सिटि आदिको भ्रमण गरेको नेपाल समोउलका अध्यक्ष डा. नबराज पन्तले जानकारी दिए ।
कोरिया भ्रमण गरी फर्किएको टोलीमा जिल्ला बिकास समिति चितवनका कर्मचारीहरु बलराम लुइँटेल र रामहरी न्यौपाने, पिप्ले नमूना सेमाउल गाउँ पिप्लेका गौरीकान्त भट्टराई, कृष्णराज पन्त , बीर बहादुर तामाङ र नेपाल सेमाउल केन्दीय परिसदकी इश्वरी पाण्डे थिए ।
