यसपालीको मेरो तिहार


नेपालीहरुको एक मुख्य पर्व तिहारमा नरमाउने साउदै नेपाली होलान । हिन्दु धर्म अनुसार यमपञ्चकको रुपमा पाँच दिनसम्म मनाउने यो पर्वको पछिल्लो तीन दिनलाई विषेशरुपमा मनाउने गर्छन् । अझ विषेश गरी तेस्रो दिन लक्ष्मीपूजा त झन देश विदेशमा रहेका नेपालीहरुले बडो हर्षो उल्लाष र रमाइलो गरी मनाउने गर्छन् । विदेशमा रहने नेपालीहरु पनि आ-आफ्नो  समय र परिस्थीति अनुसार अनुकुलता मिलाएर यो पर्वलाई मनाउने गर्छन ।
यसपालीको तिहारमा दक्षिण कोरियामा रहेका नेपालीहरुले समय पाउनेले आफ्नो  कोठामा राम्रैसंग लक्ष्मीपूजा गरे भने राती अवेरसम्म काम गरेर कोठा फर्कनेहरुले पनि एउटा मैनबत्ती बालेर मात्रै भएपनि लक्ष्मीपूजालाई निरन्तरता दिए ।
तर मैले भने यसपालीको लक्ष्मीपूजाको दिन फरक अनुभूति संगाल्न पाए । नेपालमा साँझ हरेक घरको आगंन र ढोकामा रंगीविरंगी अविरबाट मण्डला र लक्ष्मीको आसन बनाइरहदा म भने दक्षिण कोरियाको राजधानी सउलको एक भब्य थियटर हलमा आसिन थिए । नेपालमा पाला र मैनबत्तीको प्रज्वलन र विजुली बत्तीको  झिलीमिली हुदा म भने आधुनिक कोरियन नृत्यको रंगीविरंगी प्रकाशलाई दृष्टीपान गर्न बाध्य थिए ।
मेरो अघिल्तीर मञ्चमा संगीत र प्रकाशको बेजोड समागनमा कोरियन कलाकारहरु विभिन्न हाउ भाउमा नृत्य गर्दै थिए । तर मेरो मनमा भने देउसी र भैलो घन्कदै थियो । नेपाली परम्परागत पहिरण गुन्यौ चोली र गहनामा सजिएका युवतीहरु छमछम नाचेको दृश्य सलबलाउदै थियो । सयपत्री र मखमली पूmलको माला भिरेर मादल र झयाम्टा ठोक्दै वरीपरी घुम्दै देउसीरे खेलेको दृश्य घुम्दै थियो ।
आँखा अगाडी प्रत्यक्ष दृश्यपान गरीहरेको प्रकाश पनि रंगीविरंगी नै थिए । कलाकारहरु पनि संगीत र नृत्यमै रमाइरहेका थिए ।  मेरो मनामा सलबलाउने पनि संगीत र नृत्य नै थियो अनि झिली मिली पनि रंगीविरंगी प्रकाश नै थियो । तर पनि कति फरक । कति अन्तर । विश्वमै हरेक मानव रमाउने , खुशी हुने , हर्ष बडाइ गर्ने  उही संगीत र नृत्य नै त हो नि । विश्वको नियम एउटै हो तर अनुभूति कति फरक । देउसी भैलोमा जति  रामाउथ्यौ मेरो मन यो नृत्य र संगीतमा त्यति रमाउन सायदै सक्ला । सायद यही होला आफ्नो  संस्कृती ।
दई घण्टाको कोरिएयन आधुनिक नृत्य हेरेर बाहिरीयौ । कारियन साथीहरुसंग नजिकै रेष्टुरेन्टमा छिरयौ । वियर, सोजु र मकाली अडर भयो । साथमा पिरो कुखुराको खुट्टा । अनि थपियो समुन्द्री खानाको आइटम पनि । खादै थियौ । हाम्रो समूह ठूलै थियो । दुईवाटा टेवल जोडेर बसेका थियौ । मोवाइलमा घरी घरी नजर पुग्थ्यो । किन कि लक्ष्मी पुजाका थरी थरीका तस्वीरहरु फेसबुकमा हेर्न पाइन्थ्यो । त्यसैले पनि होला घरी घरी मेरो आँखा मोवाइलमा पुग्थ्यो । नजिकैको कोरियन साथीलाई फेसबुकमा राखिएका पैसा र सुन चाँदीका गहनालाई लक्ष्मी पूजा गरिएको तस्वीरहरु देखाए । आज नेपालमा यस्तो पर्व छ भन्दै । उनी पैसा र गहनालाई पनि पुजा गरिने सुनेर छक्कै परिन ।
उनले पनि आप्mनो फेसबुकको रिजाल थरका एक नेपाली युवाक साथीलाई परिचय गराईन । विज्ञान विषय लिएर कोरियामा अध्ययन गरेका ती रिजाल परिवार अहिले भने अमेरिका बसाइ सरेका रहेछन् । यी कोरियन साथीले सोधिन यो रिजालले विवाह गर्ने बेला मात्रै पत्निको अनुहार हेरेकोरे यस्तो पनि हुन्छ ? । अभिभावकले हेरेरेर ठिक लागे विवाहको कुरा फिक्स गर्ने चलन नेपालमा भएको पुष्टी मैले गरिदिए । उनी छक्कै परिन नेपालमा त्यस्तै चलन पनि छ भनेर । अहिले पनि छ मैले थपे ।
त्यहि दिन कोरियामा भने पेपेरो दिवस मनाउदो रहेछ । ११ महिनाको ११ दिन अथवा एक एक बराबर , उस्तै उस्तै भनेर विषेश गरी व्यवसायीहरुले आप्mनो व्यवसाय बढाउन यो दिवस चलन गरेको भनाइ रहेको छ । यो दिन विषेश गरी युवा युवतीहरु एक अर्कालाई उपहार दिने लिनै र पातलो सिन्का आकारको मिठाइलाई उपहारको रुपमा दिने चलन रहेछ । हामी शेयर एण्ड केयर भन्ने संस्थासंग थियौ । त्यही संस्थाका एक युवती कर्मचारी भने आप्mनो केटा साथी लिएर आएकी रहेछ । उनी केटा साथीसंग हाम्रो समूहबाट अलगिन्न चाहिन । बोसले पनि उनलाई रमाइलो गर्न भन्दै बैकं कार्ड दिएर पठायो । कर्मचारीप्रति हाकिमको यस्तो माया अनौठो लाग्यो ।
हामीसंगै बसरीरहेकी एक युवतीको छोरी पनि आमालाई खोज्दै त्यही आइपुगिन । आमाले नै गिलासमा वियर हालेर छोरीलाई दिइन । खाएपछि छोरी कतै जान लागेको जानकारी गराइन अनि भोली पनि घरमा नाउने आमालाई सूचित गरिन । कोरियाको समाज कति खुला छ  । आमा र छोरीको अनि हाकिम र कर्मचारीको यस्तो सम्बन्धले एसियामा कायम पूर्विय सभ्यतालाई विश्तारै पश्चिमा प्रचलनले अतिक्रम गरेको आभास पाए ।

आफ्नो प्रतिक्रिया दिनुहोस |

ताजा अपडेट

सम्बन्धित शिर्षकहरु
  • सोनाम ल्होछार बृहत साँस्कृतिक कार्यक्रमको समिक्षा एवं आयव्यय सार्वजनिक गरिने
  • इलामेली समाज दक्षिण कोरियाद्वारा १० पालिकामा स्वास्थ्य सामाग्री वितरण
  • इलामेली समाज दक्षिण कोरियाद्वारा १० पालिकामा स्वास्थ्य सामाग्री वितरण
  • कोरियाको चर्चित सिनेमा हल CGV मा “डिग्री माईला”
  • ताजा अपडेट

    ईपिएस

    वन र सेवा क्षेत्रमा पनि कोरियाले नेपाली श्रमिक ल्याउने

    अनलाइन खबर दक्षिण कोरियाले यो वर्ष (सन् २०२४)देखि रोजगार अनुमति प्रणाली (ईपीएस)मार्फत थप ३ वटा क्षेत्रमा पनि नेपाली श्रमिक लिन थाल्ने भएको छ । कोरियाली सरकारले नेपालबाट वन क्षेत्र, सेवा क्षेत्र र रुट इन्डष्ट्री क्षेत्रमा पनि श्रमिक ल्याउने भएको हो । अहिले कृषि, ...

    एम टि यूको प्रतिनिधि सभा बैठक सम्पन्न, WPS को लागि संघर्ष गरिने

    प्रवासी श्रमिकहरुको अधिकारको निम्ति आवाज उठाउँदै आएको संस्था प्रवासी श्रमिक युनियन MTU दक्षिण कोरियाको प्रतिनिधि सभा बैठक २०२४ सम्पन्न भएको छ। सौल स्थित कोरियन प्रजातान्त्रिक श्रमिक महासंघ (केसिटियू) को हलमा सम्पन्न सभाले गतवर्षको गतिविधिहरुमाथि छलफल एवम ...

    राजु लामाको मंगोलियन हार्ट ब्याण्डले कोरिया तताउने निश्चित

    दक्षिण कोरियाको महान चाड सलनालको अवसरमा हुने ४ दिने लामो बिदाको पहिलो दिन फेब्रुअरी ९ तारिख नेपालको सुप्रसिद्ध गायक राजु लामाको मंगोलियन हार्ट व्याण्डको लाईभ कन्सर्टले कोरियाको माईनस डिग्रीको चिसो मौसममा नेपाली गीत संगीत मार्फत नेपाली माहोल तताउने निश्चित ...

    महिला / बालबालिका

    कोरियामा निर्मलाको अत्माहत्याले उब्जाएको प्रश्न

    मञ्जु गुरुङ ,, " म्याम म यहाँबाट निस्कन चाहन्छु । साइन मागेको पनि दिदैन । इलिगल बनाइदिन्छु भन्छ । काम पनि दिदैन । नेपालबाट आएको ६ महिना भयो । रिन ...

    कोरियामा महिलाका लागि महिलाका अध्यक्षमा पार्वती

    दक्षिण कोरियामा नेपाली महिलाहरुद्धारा संगठित महिलाको लागि महिला नाम संस्थाको अध्यक्षमा व्यवसायी तथा समाजसेवी पार्वती मोक्तान चयन भएका छन् । ...

    कोरियामा निबन्ध प्रतियोगितामा उत्कृष्ठ पुरस्कार प्राप्त लेख

    अलबिदा आमा -बाला राई निद्रामै थिएँ, म्यासेन्जरमा आएको फोनको घण्टीले ब्युझिएँ । हतार उठेर सिरानीनिर राखेको फोन तानें बिहानको छ बज्नै लागेको ...

    एनआरएन कोरियाले जुम मार्फत तिज मनाए

    एनआरएनए दक्षिण कोरियाले महिलाहरुको ठूलो चाड तिजलाई जुम मार्फत छलफल गरी मनाएका छन् । एनआरएन महिला संयोजकको नेतृत्वमा शुभकामना आदन प्रदान तथा ...