विदेश जाने पासपोर्ट च्यातेर तरकारी खेतीमा


गुल्मी –विदेश पठाउने दलालले पैसा ठगी गरे पछि गुल्मी सिमिचौरका एक युवाले पासपोर्ट च्यातेर गाउँमा तरकारी खेतीवाट विदेशमा भन्दा बढि कमाई गर्दै आएका छन् । रेसुङ्गा नगरपालिका–११, सिमिचौर महराईका २८ वर्षीय युवा विनोद कुँवरले विदेश जाने पासपोर्ट च्यातेर तरकारी खेतीबाट विदेशमा भन्दा बढि आम्दानी लिदै आएका हुन् ।

 

कुँवर भन्छन्–‘दश एघार वर्ष भारतमा मजदुरी गरें । त्यस पछि विदेश जाने चक्करमा लागे । दलाललाई ५० हजार दिई सकेको थिएँ । दुई महिना सम्म पठाउछु भनेर काठमाण्डौंमा राख्यो । तर पठाउछु पठाउछु भन्दा भन्दै दलाल उक्त रकम लिएर भाग्यो । म वेखर्ची भएर घर फर्किने अवस्था आयो । मेरो पालो विदेशको सपना सधैका लागि त्यागेर पासपोर्ट च्यातेर घर फर्किएँ ।’

उनले थपे–‘ घर फर्किए लगत्तै सानो क्षेत्रफलमा व्यवसायीक तरकारी खेती सुरु गरे । त्यसबाट हौसिएँ । परम्परागत कोदो, मकै र खेतीको आठौं गुना आम्दानी तरकारी खेतीबाट हुने रहेछ । क्रमशः बढाउदै गएँ र अहिले १८ रोपनी क्षेत्रफलमा तरकारी खेती गर्छु । त्यसबाट खर्च कटाएर पनि वार्षिक ६ लाख भन्दा बढि आम्दानी लिने गरेको छु । ’

 

उनले २ रोपनीमा गरेको अकवरी खुर्सानीबाट मात्र वार्षिक २ लाख आम्दानी लिने गरेका छन् । डेढ रोपनीमा लगाएको कांक्राबाट वार्षिक २ लाख, चार मौसमे जातको सिमिबाट वार्षिक ५० हजार, ६ हजार विरुवा फुल गोपीबाट वर्षिक डेढ लाख आम्दानी लिने गरेका छन् ।
त्यस्तै बन्दागोपीबाट वार्षिक ५० हजार, लौकाबाट वार्षिक २२ हजार, करेलाबाट वार्षिक ४० हजार, घिउ सिमीबाट वार्षिक ३२ हजार, भाण्टाबाट १५ हजार, ब्रो काउलीबाट ६० हजार, विभिन्न जातको सागबाट ६० हजार र केराउबाट वार्षिक १० हजार सहित वार्षिक झण्डै १० लाखको कारोवार गर्दछन् ।

 

दैनिक ३ जना स्थानीयलाई रोजगार दिएका उनि आफु विहान देखि साँझ सम्म सदरमुकाम तम्घासमा तरकारी वेच विखन गर्न खटेका हुन्छन् । दुध समेत दैनिक तम्घासमा वेच्दै आई रहेका उनले विदेशमा जानेहरुले भन्दा बढि कमाउने गरेको बताउँ छन् ।
जिल्ला कारागार, अन्य सरकारी कार्यालयमा समेत तरकारी पुराउने गरेका कुँवरले रिडर्श पव्लिक हाई स्कुल तम्घासको होस्टेलमा दैनिक तरकारी पुराएर त्यसैबाट तिन जना छोरा छोरीहरुलाई वोर्डिङ्ग पढाएका छन् ।

 

हालै ललितपुरमा रहेको दायित्व नयाँ घर नामक संस्थाको सहयोगमा एकीकृत ग्रामिण विकास समाज गुल्मीले आयोजना गरेको नविनताको खोजी नामक प्रतियोगितामा जिल्लाका २ सय ३१ जना उद्यमीहरु मध्ये उत्कृष्ट ४०, उत्कृष्ट २० हुँदै उत्कृष्ट १० मा परेका कुँवर विभिन्न संघ संस्था र दोश्रो गुल्मी महोत्सवबाट समेत उत्कृष्ट कृषकका रुपमा पुरस्कृत भएका छन् । उनले अव तरकारी खेती वा व्यवसायीक पशु पालन गरे कुनै पनि युवाहरु पैसा कमाउनका लागि विदेश जान नपर्ने अनुभव सुनाउछन् ।

आफ्नो प्रतिक्रिया दिनुहोस |

ताजा अपडेट

सम्बन्धित शिर्षकहरु
  • पूर्वाञ्चल सरोकार समाजले छुसकको कार्यक्रम बाँडफाँड तथा संयुक्त कार्यालय उद्घाटन गर्दै
  • सोनाम ल्होछार बृहत साँस्कृतिक कार्यक्रमको समिक्षा एवं आयव्यय सार्वजनिक गरिने
  • इलामेली समाज दक्षिण कोरियाद्वारा १० पालिकामा स्वास्थ्य सामाग्री वितरण
  • इलामेली समाज दक्षिण कोरियाद्वारा १० पालिकामा स्वास्थ्य सामाग्री वितरण
  • ताजा अपडेट

    ईपिएस

    वन र सेवा क्षेत्रमा पनि कोरियाले नेपाली श्रमिक ल्याउने

    अनलाइन खबर दक्षिण कोरियाले यो वर्ष (सन् २०२४)देखि रोजगार अनुमति प्रणाली (ईपीएस)मार्फत थप ३ वटा क्षेत्रमा पनि नेपाली श्रमिक लिन थाल्ने भएको छ । कोरियाली सरकारले नेपालबाट वन क्षेत्र, सेवा क्षेत्र र रुट इन्डष्ट्री क्षेत्रमा पनि श्रमिक ल्याउने भएको हो । अहिले कृषि, ...

    एम टि यूको प्रतिनिधि सभा बैठक सम्पन्न, WPS को लागि संघर्ष गरिने

    प्रवासी श्रमिकहरुको अधिकारको निम्ति आवाज उठाउँदै आएको संस्था प्रवासी श्रमिक युनियन MTU दक्षिण कोरियाको प्रतिनिधि सभा बैठक २०२४ सम्पन्न भएको छ। सौल स्थित कोरियन प्रजातान्त्रिक श्रमिक महासंघ (केसिटियू) को हलमा सम्पन्न सभाले गतवर्षको गतिविधिहरुमाथि छलफल एवम ...

    राजु लामाको मंगोलियन हार्ट ब्याण्डले कोरिया तताउने निश्चित

    दक्षिण कोरियाको महान चाड सलनालको अवसरमा हुने ४ दिने लामो बिदाको पहिलो दिन फेब्रुअरी ९ तारिख नेपालको सुप्रसिद्ध गायक राजु लामाको मंगोलियन हार्ट व्याण्डको लाईभ कन्सर्टले कोरियाको माईनस डिग्रीको चिसो मौसममा नेपाली गीत संगीत मार्फत नेपाली माहोल तताउने निश्चित ...

    महिला / बालबालिका

    कोरियामा निर्मलाको अत्माहत्याले उब्जाएको प्रश्न

    मञ्जु गुरुङ ,, " म्याम म यहाँबाट निस्कन चाहन्छु । साइन मागेको पनि दिदैन । इलिगल बनाइदिन्छु भन्छ । काम पनि दिदैन । नेपालबाट आएको ६ महिना भयो । रिन ...

    कोरियामा महिलाका लागि महिलाका अध्यक्षमा पार्वती

    दक्षिण कोरियामा नेपाली महिलाहरुद्धारा संगठित महिलाको लागि महिला नाम संस्थाको अध्यक्षमा व्यवसायी तथा समाजसेवी पार्वती मोक्तान चयन भएका छन् । ...

    कोरियामा निबन्ध प्रतियोगितामा उत्कृष्ठ पुरस्कार प्राप्त लेख

    अलबिदा आमा -बाला राई निद्रामै थिएँ, म्यासेन्जरमा आएको फोनको घण्टीले ब्युझिएँ । हतार उठेर सिरानीनिर राखेको फोन तानें बिहानको छ बज्नै लागेको ...

    एनआरएन कोरियाले जुम मार्फत तिज मनाए

    एनआरएनए दक्षिण कोरियाले महिलाहरुको ठूलो चाड तिजलाई जुम मार्फत छलफल गरी मनाएका छन् । एनआरएन महिला संयोजकको नेतृत्वमा शुभकामना आदन प्रदान तथा ...