लम्जुङ परिवारले बडा दशै तथा तिहारको उपलक्ष्यमा भेटघाट कार्यक्रम गर्ने

 मेघप्रसाद वाईबा,सोल-लम्जुङ परिवार दक्षिण कोरियाद्वारा नोभेम्बर 7 तारिख शनिबार बेलुका ठिक 7:00 बजेदेखि दोङ्देमुनस्थित शुभेच्छा रेस्टुरेन्टमा नेपालीहरुको महानपर्व “दशै तिहार भेटघाट कार्यक्रम2015” भव्य रूपमा मनाउने भएको छ।

हरेक वर्ष परिवारको भवन वाईजम्भुस्थित सेम्नेमा मनाउदै आए पनि यो बर्ष भने कोरियामा कार्यरत टाढाका सम्पुर्ण साथीभाईको परिस्थितिलाई मद्यनजर राख्दै कार्यक्रमलाई दोङ्देमुनस्थित शुभेच्छा रेस्टुरेन्टमा मनाउने भएको हो।रोजगारीको क्रममा दक्षिण कोरिया आएका समस्त लम्जुङ्वासी एवं लम्जुङ परिवारमा आवद्ध नेपाली दाजुभाइ तथा दिदिबहिनीहरुबीचमा सदभाव , भाईचारा र एकताको सन्देश दिने उदेश्यले कार्यक्रम गर्न लागेको कुरा लम्जुङ परिवारका अध्यक्ष धन गुरुङले बताए ।

कार्यक्रममा शुभविजयदशमी तथा दिपावालीको उपलक्ष्यमा शुभकामना अदानप्रदान गर्ने , मनोरञ्जनात्मक एवं देउसी भैलो कार्यक्रम साथमा नेपाली मिस्ठान्न भोजनको व्यवस्था गरिने भएको छ सोही दिन कोरियाकै फुटबल क्षेत्रमा धेरै पटक उपाधीहरु जित्न सफल लम्जुङ परिवारको फुटबल टिम लम्जुङ एफ.सि.जसले निरन्तर दुईपटक राजदुत रनिङ कप 2014 र 2015, तिलिचो रनिङ कप 2015 नागर्जुन कप 2015 का सम्पुर्ण खेलाडीसाथीहरू लगायत खेलमेनेजर र खेलकुदको साथै संस्थाको विकासका लागि निरन्तर आफ्नो अमुल्य योगदान पुरयाउनु हुने व्यक्तिहरुलाई समेत सम्मान गरिने भएको छ।

विस्तृत जानकारीको लागि सम्पर्क व्यक्तिहरु :

धन गुरुङ(अध्यक्ष ): 01064642743

मेख दुरा(उपाध्यक्ष ):01059300161

मेघप्रसाद वाईवा(महासचिव ):010-59549704

कमला गुरुङ(सह- कोषाध्यक्ष ): 010-42411255