स्याङ्जा परिवारको बार्षिक भेला, सम्मान तथा बिदाई कार्यक्रम हुने
सोल कोरिया
नेपाली चाड दिपावालीको अवसर पारेर स्याङ्जा परिवार दक्षिण कोरियाले वार्षिक भेला, सम्मान तथा बिदाई कार्यक्रम आयोजना गर्ने भएको छ ।
अगामी नोभेम्बर १४ तारिक शनिबार साँझ ८ बजे सोलको दोङ्देमुनमा कार्यक्रम आयोजना गर्न लागेको संस्थाका अध्यक्ष धर्म गुरुङ्ले जानकारी दिए ।
गुरुङ्का अनुसार संस्थाको सबै स्याङ्जालीहरुलाई एकिकृत गराउने हेतुले आयोजना गरिने वार्षिक भेलामा गएको अगष्ट २ तारिकमा सम्पन्न दोस्रो स्याङ्जा कप भलिबल प्रतियोगितामा आर्थिक, भौतिक र नैतिक सहयोग गर्नेलाई सम्मान गरिने भएको हो ।
त्यस्तै सोही अवसरमा अगामी डिसेम्बरमा आफ्नो पाँच वर्षे कोरिया बसाईलाई सकाएर नेपाल फर्किन लागेका संस्थाका बरिष्ठ उपाध्यक्ष दिपेन्द्र अधिकारी, उपाध्यक्ष याम गुरुङ्, सह–सचिव मित्रबन्धु काफ्ले र सदस्य मनिप्रसाद खनाललाई बिदाई गरिने बताईएको छ ।
कार्यक्रममा स–शुल्क रात्रीभोजको ब्यवस्था पनि गरिने परिवारका अध्यक्ष गुरुङ्ले जानकारी दिए ।
