राजदूत मैत्री रनिङ फूटबल कप लम्जुङ एफसीले चुम्यो

सोल- सोलस्थित नेपाली राजदूताबासद्वारा आयोजना गरिको राजदूत मैत्री रनिङ कप फूटबलको दोश्रो सस्करणको बिजेता लम्जुङ एफसी बनेको छ | आइतबार सोलस्थित वल्गुक स्टुडियममा भएको फाइनल खेलमा उसले १ को बिरुद्ध २ गोल गरि विजय हासिल गरेको हो | यो कपको पहिलो सस्करण पनि गत साल लम्जुङ एफसीले नै जितेको थियो |

फाइनल खेल ४.३० देखि शुरु भएको थियो | खेलको ३४ औँ मिनेटमा पहिलो गोल एभरेस्ट एफसी बुसानका खेलाडी सोनाम राईले पहिलो गोल गरेका थिए | त्यसको जवाफमा ३६ औँ मिनेटमा लम्जुङ एफसीका पंकज लामा र ३९ औँ मिनेटमा बिक्रम गुरुङ गोल गर्दै अग्रता हासिल गरेका थिए |

४० मिनेटको पूर्ण खेल अवधि मनिएको सो खेलमा पहिलो हाफमा दुवै टिमले गोल गर्न सकेका थिएनन |

हिन्दुहरुको बडा दशैंको अवसरमा आयोजना गरिएको मैत्री कपमा यसपाली २० टिम सहभागी थिए भने फाजु खेल मैदान र वल्गुक स्टुडियमा १९ खेल संचालन भएको थियो | यो मध्ये फाजु खेल मैदान्मा ११ र वल्गुक खेल मैदानमा ८ खेलहरु भएका थिए |

एभरेस्ट एफसी फाजु खेल मैदा भएको सेमी फाइनलमा जापान एफसीलाई ० को बिरुद्ध १ गोलले हराएर फाइनलमा प्रवेश गरेको थियो | त्यस्तै वल्गुक खेल मैदानमा भएको सेमीफाइनल खेलमा लम्जुङ एफसिले धरान एफसीलाई ट्राईब्रेकरमा ४ को बिरुद्ध ५ गोल गरि फाइनलमा प्रवेश गरेको थियो |

बिजेता टिमलाई कोरियाका लागि नेपाली राजदूत नगद पुरस्कार र ट्रफि र नगद पुरस्कार प्रदान गरेका थिए | दूताबासले पहिलो पुरस्कार २५ लाख वन र दोश्रो पुरस्कार १० लाख वन प्रदान गर्दै आएको छ |

खेल संचालनका लागि कोरियन फूटबल असोसिएसनबाट आमन्त्रित १८ रेफ्रीहरुले अनुशासनपूर्ण रुपमा संचालन गरेको थिए |

सबै खेलहरु सौहर्दपूर्ण बतावरणमा सम्पन्न भएको भए पनि मैदानमा एभरेस्ट एफसी र जापान एफसिको सेमीफाइनल खेलका क्रममा जापान एफसीका खेलाडी वान्गिल गलानको हात फ्याक्चर भएको खेल संयोजक ब्रो तमुले बताए | हात फ्याक्चर भएका खेलाडीको उपचार सोलको एक अस्पतालमा भै रहेको पनि तमुले बताए |