जसोतसो संबिधान बने पछि भुकम्पले क्षतविक्षत भएको मुलुकले गति लिनेछ भन्ने धेरै नेपालीलाई आसा थियो | नयाँ संबिधान बनेको लगत्तै भारतले लगाएको अघोषित नाकाबन्दीले नेपाली जनताको जनजीवन नराम्ररी प्रभावित भएको छ | मधेश आन्दोलित भएको दुई महिना पुग्न आट्यो | काठमाडौं आन्दोलनकारीको माग सुन्नुको सट्टा नयाँ प्रधानमन्त्रिको रस्साकस्सीमा दौडधुप गरिरहेको छ | सर्वदलिय सरकार निर्माण नहुने भए पछि कांग्रेश र एमाले नयाँ प्रधानमन्त्रिको लागि अन्य दलहरुसंग लविङमा ब्यस्त छन् |
संबिधान बन्नु भन्दा दुई दिन अघि डिभी परेर सात महिना अघि अमेरिका पुगेका मेरो साथीले भाईबरमा भनेका थिए | अमेरिका जे सोचेर आईन्छ यहाँ आए पछि बेल्कुलै फरक हुने रहेछ | महिनामा दुई हजार डलर कमाएर के गर्नु कोठा भाडा , टेलिफोन , नेट , बिजुली, पानी , कर तिर्नमै ठिक्क | डिग्री पढदा पढ्दै अमेरिका हानिएका साथीले फेरि थपे आफ्नो देशमै सरकारले स्थायी रोजगार सुनिश्चित गरोस | हामी आफ्नै देश फर्कन तयार छौ | यो चाहना उनको मात्र होइन् | बिदेशमा बस्ने लाखौ नेपालीको हो |
१० बर्षे माओवादी सशत्र जनयुद्ध , ६२ / ६३ जनआन्दोलन पछि झण्डै अढाई सय बर्ष पुरानो शाहवंशीय राजतन्त्र उन्मुलन गरी देशमा गणतन्त्रात्मक शासन व्यवस्था स्थापना भएको घोषणा गर्दै नेपालमा पहिलो चोटी संबिधान सभाको चुनाव गरिएको थियो | पहिलो संबिधान सभाले संबिधान निर्माण गर्न नसके पछि दोस्रो पटक संबिधान सभाको चुनाव गरिएको थियो | चुनाव पछि दलहरुमा चरम दुरी बढेको थियो र संबिधान लेखन प्रक्रियालाई पटक – पटक सारिएको थियो | गत बैशाख १२ मा गएको विनाशकारी महाभूकम्प पछि आएको संविधानले सबैलाई समेटन नसके पनि बिस्तारै समेट्दै देशले गति लिने अपेक्षा बिपरित देश अघि बढेको त होइन् भन्ने भान कता- कता देखिदैछ तर पनि अझै खासै बिग्रेको छैन | आन्दोलनरत मधेशीसंग बार्ताबाट नै जायज मागको हल गरेर अघि बढे देशले गति लिनेछ |
कालो बादलको बीचमा पनि चांदीको घेरा हुन्छ भनिन्छ | आसा गरौ नयाँ बन्ने सरकारले सबैलाई समेट्दै भूकम्पले आक्रान्त भएको मुलुकले गति लिनेछ | अन्त्यमा बिदेशमा तातो रगत पसिना बगाउन विवश म जस्ता लाखौ नेपालीको तर्फबाट भावी सरकारलाई केही बुदागत सुझाव दिन चाहन्छु |
(१) प्रत्यक महिना विदेशवाट अर्बौ रुपिया रेमिट्यान्स भित्रिन्छ | त्यो पैसा सरकारले ब्यबस्थित तरिकाले उत्पादनमुलक क्षेत्रमा लगानी गरोस | जस्तै :- रेमिट हाईड्रो , रेमिट सडक , रेमिट हस्पिटल , रेमिट कृषि , रेमिट उधोग ……
(२ ) नेपाल फर्केर कुनै पनि सेक्टर ( कृषि , हाईड्रो , पर्यटन , स्वास्थ्य , शिक्षा अन्य ) मा सामुहिक या एकल रुपमा काम गर्न चाहनेलाई न्यून ब्याजमा सर्वशुलभ तरिकाले ऋणको ब्यबस्था गरियोस
(३) नेपाल कृषि प्रदान देश पनि भएकोले आधुनिक कृषि गर्न चाहनेलाई पशु , बालीको अनिबार्य बीमा सरकार गर्दै किसानलाई बिशेष सहुलियतमा मल र बिउ समयमा उपलब्ध होस् |
(४ ) नेपाल सरकारले आफ्नै पहल र बिदेशी लगानीकर्ता भित्राएर मझौला तथा साना कल कारखाना खोलेर स्वदेशमा रोजगारीको सिर्जना गरोस |
(५ ) नेपालमा हुने बन्द , हडताल जस्ता कार्य सधैका लागि बन्द गरियोस