संगीतको शिखर उक्लिदै गगन पुन

 
सोल – बिग आईकन २०१० मा प्रथम स्थान हासिल गरे पछि गगन पुनको सांगेतिक यात्राले गति लिन सरु गर्यो | म्याग्दी दगनाम जन्मेका पुन काठमाडौलाई कर्म थलो बनाउदै नेपाली सांगेतिक क्षेत्रमा होमिएका छन् |

उनले अहिलेसम्म तीन दर्जन भन्दा बढी गीत गाईसकेका छन् | अभिनय क्षेत्रमा पनि उत्तिकै चाख राख्ने पुनले मगर भाषाको चलचित्र ” रैया” मा अभिनय समेत गरेका छन् | २०६९ सालमा ” थाहै भएन पत्तै भएन” बोलको गीतबाट गायन यात्राको श्रीगणेश गरेका पुनले ” रिदम” नामक एल्बम बजारमा ल्याईसकेका छन् |

गायक अरुण थापाको गीत सुनेर गायन क्षेत्रमा लाग्ने प्रेरणा मिलेको बताउने पुन स्टेज प्रोग्रामको लागि बहराईन , भारत , हङकङ र कोरिया पुगेर आफ्नो कला र गला पस्किसकेका छन् | सांगेतिक क्षेत्रमा लाग्दा शुरुवाती दिनहरुमा कठिन हुने गरेको सुनाउदै पुनले जतिनै गला र गला भए पनि नातावाद र कृपावादवाट नेपाली संगीत क्षेत्र अछुतो नरहेको स्वीकार गरे |

पछिल्लो चरणमा एल्बम बिक्न छोडे पछि स्टेज प्रोग्रामनै गायक , गायिका बाच्ने आधार भएको बताउदै पुनले गीत पनि स्टेज तताउने खालका गाउनु पर्ने सुनाए | अरुण थापा र अन्जु पन्त मन पर्ने गायक , गायिका भएको सुनाउदै पुनले उनीहरुको गीत सुन्दा संगीतमा अझै केही गर्न प्रेरणा मिल्ने गरेको बताए |

भविष्यमा प्लेब्याक सिङ्गर भन्ने सपना रहेको बताउने पुनले आफ्नो स्वरले म्याच गर्ने सबै खालका सालैजो देखि पप , आधुनिक गीत गाईसकेका छन् | आफुलाई भर्सटाईल गायकको रुपको चिनाउने कोशिसमा रहेको बताउने पुनले संगीत क्षेत्रमा आउन चाहने युवापुस्तालाई सुझाव दिदै भने संगीत क्षेत्र भनेको महासागर हो |

यसमा लागि सके पछि आफ्नै मजा छ तर यो क्षेत्रमा लाग्न धेरै मेहनतको आवश्यकता रहेको र कस्तो खालको गीत गाउने आफ्नो स्वरले कस्तो गीत गाउदा म्याच गर्छ सबै कुरा बुझेर आउदा राम्रो हुने बताए |

अन्त्यमा उनले संगीत भनेको सुख दु:खको साथी हो भन्दै नेपाली गीत , संगीतलाई माया गरि दिन सुनी दिन आग्रह गरे |