संस्थाको मान मर्यादामाथि खेलबाड नगर्न नागार्जुन गुम्बाको अपिल
पाँचैा नार्गाजुन कप बिबादस्पद, ६ खेलाडीलाई रेड कार्ड शिर्षक अन्तर्गत अक्टोबर १ मा प्रकाशीत समिर पौडेल द्वारा लेखिएको समाचार प्रति नागार्जुन गुम्बा फूटबल आयोजक समितिले गम्भीर ध्यानाकर्षण भएको जनाएको छ । वास्तविकता भन्दा बाहिर गएर एकपक्षीय ढंगले संस्थाको मान र मर्यादामा चोट पुग्ने गरी समाचार सम्प्रेषण गरेको भन्दै घोर आपत्ति जनाएको हो ।
गत सेप्टेम्बर २८ मा नार्गाजुन गुम्बाले आयोजना गरेको पाचौ नार्गाजुन फूटबल प्रतियोगिता २०१५ मा ३२ वटा फूटबल क्लब सहभागी भएका थिए । दोङ्दुछन छुङ्हाव उन्दोङ्जाङमा भएको उक्त खेलमा ३२ टिमलाई ३ वटा मैदानमा ए र बि पोल बनाई खेलाईएको खेलमा फाईनलमा ए पोल वाट लमजुङ एफ.सी र बि पोल बाट झापा एफ.सी फाईनलमा पुगेका थिए ।
बेलुका ८: ३० मा फाईनल खेल सुरु भएको थियो। फाईनल खेल सुरु भएको १५ औ मिनेटमा झापा एफ.सी वाट फल भएको थियो । रेफ्रीले फल लिई लमजुङ एफ.सी बाट चलाईएको बल गोल भएको थियो सो गोल झापा एफ.सी बाट अस्विकार गर्दै रेफ्रीलाई धकेलेका थिए । रेफ्रीलाई धकेलेपछी रेफ्रीले पहेलो काड दिएको थियो । पहेलो कार्ड पाएपछी झापा एफ.सीका खेलाडीले रेफ्रीलाई घेरेका थिए । रेफ्रीलाई घेरेपछी रेफ्रीले रातो काड एकजनालाई दिएको थियो । रातो काड पाएपछी झापा एफ.सीका मेनेजरले खेलाडीहरुलाई खेल मैदान बाहिर बोलाएका थिए। खेल समय अवधि रेफ्रीको अनुमति विना खेलाडीले खेल मैदान छोड्न पाउदैन सो कार्य नियम विपरित भएता पनि आयोजकले टिम क्याप्टेनलाई खेल मैदान फर्कन आग्रह गर्दा उल्टै आयोजकलाई अनैतिक व्यवहार देखाएका थिए । भने प्याराफिटमा बसेका झापा एफ.सी समर्थकलाई समेत खेल मैदानमा बोलाएका थिए ।
आयोजकले दर्शकलाई क्वाटर फाईनल वाट खेल मैदान वर पर बस्न दिएको थिएन । यो पनि झापा एफ.सी बाट गलत कार्य भएको थियो । यति मात्र नभएर विपक्ष टिमलाई समेत अपशब्द बोलेका थिए । जसले गर्दा खेल मैदान तनाव हुन पुगेको थियो । आयोजकले १५ मिनेट सम्म झापा एफ.सी लाई खेल मैदान फर्कन आग्रह गर्दा नफर्के पछि रेफ्रिको निर्णयनै अन्तिम निर्णय हो भन्ने नियम भएको हुदा सो नियमको पालना गर्दै रेफ्रि ले लमजुङ एफ.सी लाई विजय घोषणा गरेको हो भनी नागार्जुन गुम्बाका सहसचिव राजु घिसिङ्ले फोनिज कोरिया लाई बताए ।
यसरी सत्य तथ्य भन्दा पनि पुर्बाग्रही ढंगले समाचार प्रकाशित गरी सामाजिक सद्भाव बिथोल्ने गरी संस्थाको मान मर्यादामा चोट पुर्याउने गरी समाचार प्रकाशीत नगर्न सम्बधित व्यक्ति वा संस्थालाई आग्रह गरिएको छ ।
