अन्जु पन्तको गीतको म्युजिक भिडियो कोरियामा
दक्षिण कोरिया ः पछिल्लो समय दक्षिण कोरियाको विभिन्न रमणीयस्थलहरुमा नेपाली म्युजिक भिडियो छायांकन गर्ने क्रम बढेको छ । बिदाको दिन पारेर हरेक आइतबार एउटा न एउटा नेपाली म्युजिक भिडियो छायांकन भइराखेका छन् ।
सोही क्रममा गत आइतबार गायिका अन्जु पन्तको मेरो घरको बाटो गरी बोलको नयाँ गीतको छायांकन गरिएको छ । भद्र वलीको गीत तथा संगीत रहेको उक्त गीतको छायांकन दक्षिण कोरियाको राजधानी सउलमा रहेको अति सुन्दर तथा मनोरञ्जनात्मक एभरल्याण्ड पार्कमा गरिएको हो । उक्त म्युजिक भिडियोमा चर्चित मोडेल एलिसा सिंह र प्रकाश बमले अभिनय गरेका छन् ।
मोडेल एलिसा सिंहकै निर्देशनमा सुरेश कौशलले छायांकन गरेको उक्त म्युजिक भिडियो नेपालीहरुको महान चाड दशैं अगाडि रिलिज गरिने भएको छ ।
