मनास्लु सांगीतिक सौगात भाग -2 कार्यक्रमको लागी सम्पूर्ण कलाकारहरू कोरिया आईपुगे !!

आशिस थापा मगर, सोल

भुकम्प पीडित बालबालिकाहरूको शिक्षाको लागि  कोरियन महान् पर्व चुसकको दोस्रो दिन सेम्टेम्बर  -27 तारिक नेपाल गोरखा परिवार द.कोरिया द्वारा आयोजित मनास्लु सांगीतिक सौगात भाग -2 कार्यक्रमको लागी सम्पूर्ण कलाकारहरू  शनिबार  बिहान 7:00 बजे कोरिया आईपुगेका  छन् ।  कलाकारहरूलाई स्वागत गर्न संस्थाका अध्यक्ष राजेन्द्र श्रेष्ठ, र सस्थाका  पदाधिकारीहरू इन्छन अन्तराष्टिय एअरपोर्ट पुगेका थिए ।

युवापुस्ताहरूको ढुकढुकी  बन्न सफल,हाम्रो सिमानालाई मिचेको हो कि बेचेको हो,एउटा चिठीको साहाराले, बाईरोडको बाटोमा धुलो उडाउदै, तिम्रो नजरले, देखे है तिमीलाई हिजो है राती सपनीमा, हाम्रो नेपाल, चाङ्बा दाई जस्ता दर्जनौ गीतहरूबाट  अत्यन्तै चर्चित दि एक्स ब्यान्ड(THE AXE BAND) का सर्जक कलाकारहरू,शिव मुखिया,सुरेंद्र स्रेष्ठ र सजल राजभन्डारी कोरिया आईपुगेका हुन् । लोक दोहोरी फाटका अत्यन्तै चर्चित गायक/गायिका दीपसागर मगर र राधिका हमाल पुन पनि उक्त कार्यक्रमको लागी कोरिया आईपुगेका छन् ।  कोरियामा रहेका सम्पूर्ण  नेपाली महानुभाबहरुलाई  उक्त कार्यक्रममा सहभागी भई भब्य सफल पारिदिनहुन संस्थाका अध्यक्ष राजेन्द्र स्रेष्ठ ज्यूले हार्दिक अनुरोध गरेका छन । कार्यक्रम भाेलि अाइतबार  दिनकाे १ बजेदेखि  सङ्बुक कुमिन एसङ ह्वग्वान काे हलमा हुन गहिरहेकाे छ । कार्यक्रम स्थल सम्म पुग्नका लागि  दाेङ्देमुन बाट  बसकाे  ब्यबस्था गरिएकाे  स्वयमसेवक संयाेजक  इश्वर देवकाेटाले बताए ।