कोरियामा महिलाको संख्या धेरै

सोल-दक्षिण कोरियामा पुरुष भन्दा महिलाको जनसंख्या बढी देखिएको छ | सरकारी तथ्यांक अनुसार सन् १९६० यता पहिलो पटक पुरुषभन्दा महिलाको जनसंख्या बढी भएको हो |

गत आइतबार गृह प्रशासन मन्त्रालयले जनाए अनुसार गत जुनमा महिलाको जनसंख्या २ करोड ५७ लाख १६ हजार पुगेको थियो | सोहि महिना पुरुषको संख्या २ करोड ५७ लाख १५ हजार रहेको थियो | त्यस्तै अगस्टमा महिलाको संख्या २ करोड ५७ लाख ३५ हजार पुगेको थियो | यो पुरुषको तुलनामा ४ हजार ८ सयले बढी हो |

गत बर्षको अन्तसम्म महिला भन्दा १० हजार ६ सय ७६ बढी पुरुषहरु थिए तर यस बर्ष त्यो १ हजार ९ सय ५७ मा घटेको छ ।

छोसन इल्बोले जनाए आनुसार क्षेत्रका आधारमा महिलाहरु सोल क्षेत्रमा सबैभन्दा बढी रहेका छन् | त्यहा ५१ लाख १० हजार महिला रहेका छन् भने पुरुषको संख्या ४९ लाख ५० हजार मात्र रहेको छ | छ।त्यसैगरी महिलाको जनसंख्या बुसान,थेगु,ख्वाङ्जु उत्तर दक्षिण क्षेत्रमा बढी देखिएको हो।

मन्त्रालयको अनुसार सन् १९९० देखि महिलाको जन्मदर वृद्धि भएको थियो । त्यसबेला पुरुष र महिलाको अनुपातमा उच्च भएर १०० मा ११६.५ भएको थियो। यो जनसंख्या अहिले घटेर १०० बराबर १०५.३ भएको छ।