एनआरएन जापानमा धाँधली भएको भन्दै पुन: चुनाब गर्न माग
शान्त पहरी
टोक्यो-गैरआवासीय नेपाली संघ(एनआरएन) जापानको गत आइतवार सम्पन चुनावमा धाँधली भएको भन्दै असन्तुष्ट पक्षले पुनःनिर्वाचनको माग गरेका छन् ।
गत आइतवार १२ क्षेत्रको सम्पन्न एनआरएन जापानको नागोया क्षेत्रको चुनावमा ब्यापक धाँधली भएको भन्दै सो धाँधलीमा संलग्नलाई कारवाही गर्न चौतर्फी दवाव परेको छ । उक्त क्षेत्रको चुनावमा व्यापक धाँधली भएको भन्दै आम जापानवासी एनआरएन मतदाताहरुले आवाज उठाएका हुन् ।
उक्त क्षेत्रको चुनाव अवैध ठहरिने संभावना बढेर गएको छ । त्यसो भएमा बाँकी ११ क्षेत्रको मतगणना गर्ने र परिणाम घोषणा गर्ने जनाएको बुझिएको छ ।
एनआरएनका निवर्तमान उपाध्यक्ष तथा अध्यक्षका उम्मेदार सुदन थापाका अनुसार नागोयाको एक क्षेत्र को चुनाबमा धाँधली भएकाले पूनः चुनाब हुने जानकारी दिनु भयो । उहाँले धाँँधली गर्ने व्यक्तिहरुको कर्तुत पर्दाफास गर्ने बताउनु भयो ।
गत आइतवार सम्पन चुनाबको घोषणा ९ तारिख बुधवार गर्ने जनाइएको थियो । अहिले जापानबासी अगुवाहरुले धाँधली भएको ठहरिएमा उनीहरुलाई कार्बाही गर्नुपर्ने माग गरेका छन् ।
एनआरएन जापानका केन्द्रिय सदस्यका उम्मेदार भक्त गुरुङका अनुसार ४ हजार ३ सयले फारम भरेर उनीहरुको अधिकारमाथि नै कुठाराघात हुने गरी धाँधली गरेर आफैलाई पतन हुने कुकार्य गरेको भन्दै आक्रोश पोखेका छन् ।
अहिलेको एनआरएन जापानमा काङग्रेस निकट चिरन्जिबी थापा र गल्कोट समाज जापानबाट नरबहादुर थापालाई हुने गरी ५०/५० प्रतिशत हुने गरी नागोयाको बुथ कब्जा गरेको असन्तुष्ट पक्षले आरोप लगाएका छन ।
