राईको ‘थ्री इन वान’ चित्रकला प्रदर्शनी
धन गुरुङ
सोल-दक्षिण कोरियाको दोङ्ग्देमुन शहरमा ‘थ्री इन वान’ एकल चित्रकला प्रदर्शनी सम्पन्न भएको छ । युवा चित्रकार एल बिक्रम राईले तयार परेका एकल चित्रहरु नेपाली रेष्टुरेन्ट शुभेच्छा रेष्टुरेन्टमा प्रदर्शनी गरेका थिए। जुलाई २६ आइतबारमा कार्यक्रमको औपचारिक समुदघाटन गरेर प्रदर्शनीलाई एक महिनासम्म प्रदर्शनीमा राखिएका थिए ।
नेपाली राजदूतावास दक्षिण कोरियाका श्रमसहचारी अनिल गुरुङको प्रमुख आतिथ्यमा आयोजित समुदघाटन कार्यक्रममा अतिथिहरुमा एनसिसि कोरियाका कोरियाका उपाध्यक्ष जित गुरुङ, युवा व्यवसायी रबिन तामाङ , महिलाका लागि महिलाका पूर्ब अध्यक्ष जुनु गुरुङ र किराँत राई योयोक्खाका उपाध्यक्ष बालकृष्ण वान्तवा रहेका थिए ।
प्रदर्शनीमा वाटर कलर र एक्रोलिक कलरको मिश्रणबाट पेन्ट गरिएका करिब ३० वटा चित्रहरु प्रदर्शनीमा राखिएका थिए । राईको एकल प्रयासमा तयार पारिएका ती चित्रहरु प्रदर्शनीको संयोजन शुभेच्छा रेष्टुरेन्टले गरेको हो।
‘थी इन वान’ नाम दिएको प्रदर्शनीमा प्रदर्शन गरिने चित्रकलाले नेपालको चिनारीहरु विश्व शान्तिको अग्रदुत गौतम बुद्ध जन्मिएको देश नेपाल, विश्वकै सबै भन्दा अग्लो हिमाल सगरमाथाको देश नेपाल र विश्वमै जातीय, धार्मिक, सांस्कृतिक, भाषिक बिविधता भएको देश नेपाल भन्ने सन्देश दिने भएकाले प्रदशनीको नाम ‘थ्री ईन वान’ राखिएको राईले बताए ।
राईले प्रदर्शनीको अवलोकन गरि हौसला र सल्लाह सुझाव प्रदान गर्नुहुने सम्पुर्ण कोरियामा रहेका नेपाली दाजुभाई दिदिबहिनीहरुलाई धन्यवाद दिएका छन ।
