नेपाल बौद्ध परिवारलाई गुम्बा प्राप्त
सोल-नेपाल बौद्ध परिवारको गुम्बाको लगि २०१५ अगष्ट ९ तारिकका दिन सउल सिन्देबाङ्गस्थित उन्छन्सा गुम्बामा कोरियाको तर्फबाट सागसन लामा, नेपालको तर्फबाट महामहिम कमानसिंह लामा र नेपाल बौद्ध परिवारको अध्यक्ष ईश्वर गुरुङले एमओयुमा संयुक्त हस्ताक्षर सम्पन्न भएको छ ।
नेपाल बौद्ध परिवारलाई कोरियाका एक प्रतिष्ठित कंपनीका मालिकले ठूला रकमको लगानीमा गुम्बा प्रदान गरेको हो । उक्त गुम्बा नेपाली लामा र कोरियन लामाको संयुक्त रुपमा परिचालन गरिने छ र प्रमुख लामा कोरियन र सहायक प्रमुख लामा नेपाली नेपाली हुनेछ । नेपाली लामाको र बौद्ध परिवारको दर्ताको लागि पनि प्रकृया अगाडी बढेको बौद्ध परिवारको अध्यक्ष ईश्वर गुरुङले जानकारी दिए ।
कार्यक्रम मनाङ परिवारका अध्यक्ष प्रकाश लामाले अग्रेजी र कोरियन भाषामा संचालन गरेका थिए भने, मन्तव्यमा महामहिम कमानसिंह लामाले पात्रो अनुसार अन्तराष्ट्रिय जनजाति दिवस अगष्ट ९ का दिनमा पवित्र काम भएकोले खुसी व्यक्त गर्दै सो गुम्बालाई नेपालको संस्कृतिहरु समेत झल्किने गरि संरक्षण गर्न अनुरोध गरेका थिए ।
परिवारका कोषाध्यक्ष पेम्बा ह्योल्मोले पाठ पूजा गरेका थिए । सागसन लामाले हामी भिन्न भिन्न देशका मानिस भए पनि बुद्ध दर्शनले गर्दा एउटै भएका छौं र हातेमालो गरी अगाडी बढ्न अग्रह गर्नु भएको थियो ।
अध्यक्ष ईश्वर गुरुङले नेपाल बौद्ध परिवारको लामो समयदेखीको अनुरोधलाई मनन गरी सहयोग गर्ने कोरियन व्यक्तित्व र लामालाई र महामहिम राजदुत कमानसिंह लामालाई धेरै धेरै धन्यवाद दिदै नेपाल बौद्ध परिवारले पक्कै पनि नेपाल र दक्षिण कोरियाको विचमा धार्मिक र सांस्कृतिक संवन्ध अगाडी बढाउने प्रतिवद्धता जनाउदै बौद्ध परिवारलाई ठूलो जिम्मा थपिएकोले बौद्ध दर्शनमा आस्था राख्ने सम्पूर्ण नेपालीहरुलाई नेपाल बौद्ध परिवारको सदस्य बनि सहयोग गरि दिन पनि हार्दिक अनुरोध गरेका छन् ।
