कोरियामा श्रम तथा रोजगार राज्य मन्त्रीसंग अन्तरक्रिया हुने
सोल-श्रम तथा रोजगार राज्य मन्त्री श्री टेकबहादुर गुरुङको उपस्थितिमा सोलमा अन्तरक्रिया कार्यक्रम हुने भएको छ | मन्त्रि गुरुङको नेतृत्वमा श्रम तथा रोजगार मन्त्रालयका निमित्त सचिव सूर्यप्रसाद श्रेष्ठ, बैदेशिक रोजगार विभागका महानिर्देशक भरतराज सुवेदी, ईपिएस कार्यालयका निर्देशक डिल्लीराज बस्तोला लगायतका महानुभावहरु सम्मिलित एक प्रधिनिधि मण्डल, कोरियाली सरकारका उच्च पदस्त अधिकारीहरु, एच.आर.डि., कोरियाली रोजगारदाता लगायत विभिन्न् पक्षसंग भेटघाट तथा छलफल समेत गर्नका लागि यही २६ अगस्त २०१५ मा कोरिया भ्रमणमा आउनु हुने तथा ३० अगस्त २०१५ मा बिहान स्वदेश फर्कने कार्यक्रम प्राप्त भएको छ ।
यसै सन्दर्भमा कोरियाको भ्रमणमा आउन हुने नेपाली प्रतिनिधि मण्डलले कोरियामा रहेका नेपाली समूदायसंग भेटघाट तथा छलफलको ईच्छा राख्नु भएकोले नेपाली राजदूतावास, सियोल, दक्षिण कोरियाद्धारा निम्नानुसारको मिति तथा समयमा प्रतिनिधि मण्डलसंग छलफल,भेटघाट तथा अन्र्तकृयाको कार्यक्रम राखिएको छ ।
उक्त दिन कोरियामा रहेका एनआरएन, एनसिसि विभिन्न् संघ संस्थाका प्रमुख लगायत पदाधिकारी तथा सदस्यज्यूहरु , कोरियामा रहेका नेपाली कामदारहरु, बिद्यार्थी, पत्रकार, महिला दिदी बहिनी, व्यवसायी, राजनैतिक दल तथा विभिन्न् क्षेत्रिय, जातिय तथा जिल्ला समितिका पदाधिकारीहरुज्यूहरु लगायत ईच्छुक सबैलाई निम्नलिखित मिति र समयमा उपस्थितिका लागि हार्दिक अनुरोध गरिन्छ ।
कार्यक्रम निम्न अनुसार हुने छ :-
समय : दिनको ठीक ४ बजे
मिति : २९ अगस्त २०१५
स्थान: नेपाली राजदूतावास, ३७(२४ संगबुग दोग, संगबुक गु ( लाईन नम्बर ४ को हानसंग युनिभरसिटी स्टेशनको ६ नम्बर गेटबाट बाहिर निस्केर सोझै १० मिनेट हिडेर दायां तर्फ करीब १५० मिटर जाने ।
