ब्यापारिक र व्यक्तिगत लाभको लागी एनआरएनमा नलागौ-राजदूत लामा

सोल- दक्षिण कोरियाको लागि नेपाली राजदुत कमानसिङ लामाले ब्यापारिक र ब्यतिगत फाइदाको लागि मात्रै हो भने एनआरएनमा नलाग्न आग्रह गरेका छन् l गत आइतबार नेपाल पत्रकार महासंघ कोरियाले नेपाल हाउसमा आयोजना गरेको ‘एनआरएन कोरिया र भावी नेतृत्व’ बिषयक अन्तरक्रिया कार्यक्रममा बोल्दै राजदुत लामाले सो कुरा बताएका हुन् l

कार्यक्रममा बोल्दै राजदुत लामाले एनआरएनलाई नेपाल सरकारले मान्यता दिएको संस्था भएकोले आय व्यय र नाफा नोक्सान विवरण पनि उल्लेख हुनुपर्ने कुरामा जोड दिए l

मन्तब्यकै क्रममा राजदूत लामाले दूताताबासमा दर्ता भए अनुसार हाल सम्ममा १२ जना मात्रै एनआरएन रहेको बताउदै उम्मेदवारहरुलाई दर्ता गराउन आग्रह समेत गरे l साथै कोरियामा अबैधानिक रुपमा संचालन हुदै आएको हुण्डी ब्यबसाय बढ्दै गएकोले अब आउने नेतृत्वले यस्तो कार्य नगराउने र नगर्ने शर्तमा नेतृत्व लिन आग्रह गरे l

श्रम सहचारी अनिल गुरुङले अहिले नेपालमा समबेशिताको कुरा उठिरहेको स्मरण गराउदै अबको एनआरएनमा लैंगिक, भाषीक, जातिय र क्षेत्रिय समाबेसिता हुनुपर्ने कुरामा जोड दिदै संस्थामा सामाजिक सुशासन अनिबार्य कायम हुनुपर्ने बताए l

एनआरएन स्थापनाको बारेमा बोल्दै डा. देवी बस्नेतले ‘नेपालीको लागि नेपाली’ भन्ने मूल नाराको साथमा २००३ मा लण्डनबाट शुरु भएको यो संस्था कोरियामा भने २००६ मा स्थापना भएको बताए l हाल सम्ममा एनआरएन कोरियाले बिभिन्न सहयोग गरेको बताउदै कोरियाको ९३% नागरिकहरुलाई बुद्ध नेपालमा जन्मेको भन्ने कुरा थाहा नभएकोले एउटा अभियान नै चलाएर जानकारी दिएको, नेपाल हाउस निर्माणको पहल र अन्य बिभिन्न काममा सहयोग गरेको बताए l

समाजसेवी रुद्र शर्माले नेपाल हाउस निर्माणको लागि घोषणा गरेको रकम नदिएकोले केहि अप्ठेरो परेको बताउदै प्रतिबद्धता जनाउने व्यक्ति र संघ संस्थाले रकम जम्मा गर्न अनुरोध गरे l साथै नेपाल हाउसको संकलित रकम हिनामिना नभएको बताउदै केही ढिलो हुन गएकोमा माफी माग्दै छिटै सार्बजनिक गर्ने बताए l

शर्माले अहिलेको यो ५ औ अधिबेशनमा सदस्यताको लागी २ वर्ष नपुगेको व्यक्तिहरुलाई फारम वितरण गर्ने, आफूलाई जिताउनको लागी सित्तैमा फारम भर्ने जस्ता कार्य नगर्न सुझाब दिए l यो संस्था भनेको बिशुद्ध सामाजिक सेवा र देश बिकाशको लागि सहयोग गर्ने भएकोले रिस र रहरमा नआउन आग्रह गर्दै ठोस कार्य योजना र भिजन सहित आउन आग्रह गरे l

अध्यक्ष पदको प्रत्यासी उम्मेदवारहरु क्रमसः रबिन तामाङ्, राजु क्षेत्री, यज्ञराज सुबेदी, लोचन राई, ध्यान राई, र खेम कार्की र अन्य बिभिन्न पदहरुमा उपाध्यक्ष, महासचिब,सचिब, र कोषाध्यक्ष पदको लागी सम्पूर्ण उम्मेदवारहरुले आ-आफ्नो भाबीकार्य योजना र प्रतिबद्ता जनाएका थिए l साथै सहभागीहरुको जिज्ञासाको उत्तर पनी दिएका थिए l रंजन कुवरको सभापतित्व संचालन भएको उक्त अन्तरक्रिया कार्यक्रमको उद्घाटन महामहिम राजदुत लामाले मैन बत्ती बालेर गरेका थिए भने कार्यक्रमको संचालन नेपाल पत्रकार महसंघ कोरियाका सचिब बिशाल गहतराजले गरेका थिए l