एनआरएन कोरियाले अधिवेशन मिति सार्यो
यही मिति २०१५ सेप्टेम्बर ६ तारिखमा आयोजना गर्ने भनिएको गैर आवासीय नेपाली संघ राष्ट्रिय समन्वय परिषद दक्षिण कोरियाको पांचौ महाधिवेशन विशेष कारणवश आगामी १२-१३ सेप्टेम्बर २०१५ मा आयोजना हुने गरी कार्यतालीका सरेको व्यहोरा संस्थाले बिज्ञप्ति निकालेर सम्बन्धित सबैमा सूचित गरेको छ ।
एनआरएन कोरियाको कार्यसमितिको अगष्ट ९ तारिखमा बसेको बैठकमा अन्य देशका राष्ट्रिय समन्वय परिषदको महाधिवेशनको मितिसंग नजुध्ने गरी राष्ट्रिय समन्वय परिषद दक्षिण कोरियाको महाधिवेशनको मिति पुन: तय गरी केन्द्रिय अतिथिहरुको उपस्थितिलाई सहजिकरण गर्ने र आसन्न पांचौ महाधिवेशनलाई मर्यादित एवं व्यवस्थित रुपमा सम्पन्न गराउन महाधिवेशन तयारीको लागि केहि समय थप्नुपर्ने समेतका प्रस्तावहरु आएकाले परिषदका संरक्षक, सल्लाहकार एवं कोरिया स्थित अन्य गैर आवासीय नेपालीहरुको सुझाव, सल्लाह अनुसार पांचौ राष्ट्रिय महाधिवेशनको मिति १ हप्ता पछि सार्ने निर्णय गरिएको व्यहोरा सम्बन्धित सबैमा जानकारी गराएको छ ।
यस अघि प्रकासित सूचना अनुसार महाधिवेशनको मूल विषयमा केन्द्रित भई कोरियामा रहेका नेपाली समुदाय एवं गैर आवासीय नेपालीहररुको सरोकारका विषयमा विभिन्न छलफलहरु हुने भएकोले आसन्न पांचौ महाधिवेशनमा सहभागी भइ महाधिवेशन सफल पार्न सहयोगी भूमिका निर्वाह गरीदिनुहुन सम्पूर्ण कोरियावासी नेपाली समुदायलाई एनआरएनए कोरिया हार्दिक अनुरोध गर्दछ। यसका साथै महाधिवेशन सम्बन्धि कार्यक्रमको पूर्ण कार्यतालीका यथाशिघ्र प्रकासित गरिने जानकारी पनि संस्थाले गराएको छ ।
