पूर्वी नेपाल समाजले १० औँ वार्षिकोत्सव सँगै वृहत वनभोजको आयोजना गर्दै

कोरियाको गर्मी विदामा कहाँ जाने भनेर अन्यौलमा पर्नु भएको छ भने अब चिन्ता नगर्नुहोस्। किनभने पूर्वी नेपाल समाजले अगस्ट २ र ३ तारिख (शनिवार/ आइतवार )वृहत वनभोज कार्यक्रमको आयोजना गर्ने भएको छ। संस्थाको १० औँ वार्षिकोत्सवको अवसर पारेर वनभोज कार्यक्रमको आयोजना गरिएको अध्यक्ष केदार निरौलाले जानकारी गराएका छन्।

सौलबाट नजिक रहेको 가평군 대성리 मा अवस्थित अति शुन्दर वनभोज स्थल खोलाको किनारमा रमणीय दृश्यावलोकन गर्दै विभिन्न मिष्ठान्न भोजन र पेय पदार्थको स्वाद लिदैँ समय व्यतित गर्न सकिने छ। साथै पुरस्कार सहितको मनोरञ्जनात्म खेल छोक्कु, हाँडी फुटाई, छेलो हान्ने , बेलुन फुटाई, म्युजिकल चेयर आदि रहने आयोजकले जनाएको छ।

वनभोजमा जानको लागि दोङ्देमूनबाट बेलुकी६ र ७ बजे २ ओटा बसको व्यवस्था पनि गरिएको छ। वनभोजमा सहभागी हुनको लागि पुरुषलाई १ लाख वन र महिलालाई ८० हजार वन शुल्क तोकिएको छ। यसैगरी विद्यार्थीलाई ७० हजार वन र दम्पतीलाई १ लाख ६० हजार वन तोकिएको छ।