ग्लोबल तेह्रथुम सेवा समाज कोरियाको नेतृत्वमा सन्दीप हुक्पा चोङ्बाङ
ग्लोबल तेर्ह्रथुम सेवा समाज दक्षिण कोरियाको पाँचौ अधिवेशन सम्पन्न भएको छ। अधिवेशनले सन्दीप हुक्पा चोङ्बाङको नेतृत्वमा १७ जना कार्यसमिति निर्माण गरेको छ। मार्च २ आइतवारका दिन पूर्वी नेपालको सभाहलमा अधिवेशन सम्पन्न भएको थियो।
नयाँ कार्यसमितिको बरिष्ठ उपाध्यक्षमा जनम लिम्वु,उपाध्यक्षमा अविरल तिलीङ लिम्बु ,विपिन कन्दङ्वा, र पुष्प गुरागाईलाई चयन गरेको छ। यसैगरी सचिवमा विक्रम तामाङले जिम्मेवारी सम्हाल्दा सह-सचिवमा ओन खेवालाई तोकिएको छ भने कोषाध्यक्षमा राजन उप्रेती ,सह-कोषाध्यक्षमा गुमानसिँह लिम्वु चयन भएका छन्। सदस्यहरुमा गोमियो सेनेहाङ्ग,लक्ष्मण तामाङ,शुसिल आङखेवा,तुलाहाङ लिम्बु ,नविन तुम्बाहाम्फे ,दिवस लिम्बु, आईश्वर फोम्बो र ईशान वस्नेत रहेका छन्।
संस्थाका अध्यक्ष शिव पयाङ्गुको अध्यक्षता र नेपाली राजदूतावासका राजदूत महामहिम डा. शिवमाया तुम्बाहाङ्फेको प्रमुख आथिथ्यमा सम्पन्न अधिवेशनामा कोरियामा रहेका विभिन्न संघसंस्थाका अध्यक्ष लगायत प्रतिनिधिहरूको बाक्लो उपस्थिति रहेको थियो। सन २०१२ मा स्थापित यस संस्थाले विभिन्न सामाजिक सेवाहरु गर्दै आइरहेको छ।
