इलामेली समाज दक्षिण कोरियाद्वारा १० पालिकामा स्वास्थ्य सामाग्री वितरण
इलामेली समाज दक्षिण कोरियाद्वारा इलाम जिल्लाको ४ नगरपालिका र ६ गाउँपालिकाको २४ वडामा स्वास्थ्य सामग्री वितरण गरिएको छ। गतवर्ष कोरियाको चाड छुसकमा आयोजित “इलाम चियाबारी सांगितिक धमाका २०२३” को मुनाफाबाट २२ लाख रुपैयाँ बराबरको सामाग्री वितरण गरिएको अध्यक्ष टिका थेगिमले जानकारी दिएका छन्।
वितरण गरिएका स्वास्थ्य सामाग्री
चैत्र२५ आइतवार समाजका पूर्व अध्यक्ष दर्पण गुरुङको संयोजकत्व, प्रमुख जिल्ला अधिकारी इन्द्रदेव यादवको प्रमुख आतिथ्यमा र नेपाल प्रहरी शशत्र प्रहरी एवम जनप्रतिनिधिको रहोवरमा इलाम बजार क्षेत्रमा वितरण गरिएको कार्यक्रममा बर्तमान समितीका प्रतिनिधी यामु राई र सहयोगी मान बहादुर लिम्बूको पनि उपस्थिति रहेको थियो। 
माई नगरपालिकाको थाक्ले, सालबोटे,माई जोगमाईको सोयाङ र जोगमाई,सन्दकपुरको जमुना, माबु र फेमेगुरु, इलाम नगरपालिकाको सुम्बेक,सॉंखेजुङ,बरबोटे र पिपलबोटे साथै देउमाई नगरपालिकाको चमैता, मैदाने र शान्तिडॉंडालगायत १५ स्थानमा उक्त कार्यक्रम मार्फत वितरण गरिएको थियो। 
यसैगरि चुलाचुली गाउँपालिकाको तोरीबारी,साक्फारा फुङनाममा चन्द्र बहादुर राई,माङ्सेबुङको लारुम्बा र गजुरमुखीमा नरेन्द्र कुमार राई र धडकन सम्बाहाम्फे,फाकफोकथुमको फुएतप्पा,ठिंगेपुर, एकतप्पामा दिपक योङहाङ र मिलन सम्बाहाम्फे, रोङमा राजन चाम्लिङ,सुर्योदय नगरपालिकामा प्रेम रिजालले वितरणमा सहयोग गरेका थिए। 
सन २०१४ मा स्थिपित यस संस्थाले विभिन्न सामाजिक कामहरु गर्दै आएको छ। कोरियामा अन्य संस्थाहरुले विभिन्न उद्देश्य लिएर कार्यक्रम गरेतापनि सहयोग गरिएको विरलै मात्र पाइन्छ। कतिपय संस्थाहरु कार्यक्रम समापन पछि लोप भएका उदाहरण पनि भेटिन्छन्।
